Татарстанның сәламәтлек саклау министры Адел Вафин республиканың югары уку йортлары кафедраларының мөдирләре белән очрашу уздырды
Бүген 7нче номерлы Шәһәр клиник хастаханәсе җирлегендә Татарстанның сәламәтлек саклау министры Адел Вафин республиканың югары уку йортлары (юуй) гуманитар һәм социаль-икътисадый фәннәр буенча кафедраларының мөдирләре белән очрашу уздырды.
Чарада түбәндәге юуйлар кафедралары мөдирләре һәм хезмәткәрләре булдылар: Казан (Идел буе) федераль университеты, Казан дәүләт медицина университеты, Идел буе физик культура, спорт һәм туризм академиясе, Казан дәүләт аграр университеты, Казан дәүләт энергетик университеты, Казан дәүләт мәдәният институты һәм башкалар. ТР сәламәтлек саклау министры Адел Вафин кунакларның игътибарына Татарстан сәламәтлек саклавының казанышлары турында презентацияне тәкъдим итте, шулай ук онкология авырулары белән көрәшү турында мөһим лекция укыды.
Татарстан Республикасы Президенты Р.Н. Миңнеханов белән хуплаган Татарстан Республикасының гуманитар һәм социаль-икътисадый фәннәр буенча юуйара координацион киңәшмәнең инициативасы буенча, даими нигездә 2015 елның декабреннән башлап Татарстан Республикасы юуйларның гуманитар һәм социаль-икътисадый фәннәр буенча кафедралары мөдирләренең республика җитәкчелегенең вәкилләре белән семинар-очрашулар уздырылалар. Шушы чаралар Татарстан Республикасы фәнни җәмәгатьчелегенә республикадагы гамәлгә ашырылучы проектлар һәм социаль-икътисадый үсешнең программаларын гамәлгә ашыру турында хәбәр итү максатында үткәреләләр.