Казанда беренче тапкыр «Медицина оешмаларының эшчәнлек нәтиҗәлелеген күтәрү» конференциясе узачак

Татарстан Республикасы Сәламәтлек саклау министрлыгы «Н.А.Семашко исемендәге Иҗтимагый сәламәтлекнең Милли ФТИ» ФДБФОсы белән бергәләшеп 2016 елның 25–26 апрелендә федераль, региональ, муниципаль медицина оешмаларының җитәкчеләре өчен «Медицина оешмаларының эшчәнлек нәтиҗәлелеген күтәрү: теория һәм практика – ДПО-2016» дигән Беренче махсуслаштырылган конференцияне уздыра.

Конференция программасында хәзерге заман шартларында медицина оешмаларының эшчәнлек нәтиҗәлелеген күтәрүнең иң көнүзәк мәсьәләләре турында фикер алышу планлаштырылган.

Конференция форматы пленар утырышны, секцион утырышларны, фәнни-гамәли симпозиумнарны, гамәли кейсларны, күргәзмәне үзенә кертә.