Тәҗрибә артыннан Казанга

Бүген Казанга рәсми визит барышында «Спасение» сырхауханәсенә Дондагы Ростов шәһ. Сәламәтлек саклау һәм медицина оешмаларының идарәсенең делегациясе килеп китте. Татарстан Республикасында гамәлгә ашырылган дәүләт-хосусый партнерлык үрнәге кызыксындырган ростовчаннарның беренче визиты. 2013 елда концессион килешү чикләрендә ачылган ММИ  филиалы, «Спасение» сырхауханәсе – сәламәтлек саклау системасында шундый дәүләт һәм бизнес хезмәттәшлегенең бердән-бер үрнәге. Экскурсия барышында ростовчаннар сыйфатлы ремонтны да, кабинетларның җиһазландыруын да, шулай ук түләүсез медицина ярдәмен күрсәтү буенча хезмәтләр бирүче хосусый клиниканы һәм шәһәр сырхауханәсен бер бинада берләштерүнең яхшы якларын бәяләделәр. «Хәзерге заманда Дондагы Ростовта ММИ системасы буенча эшләүче медицина үзәкләре шактый күп, – дип Дондагы Ростов шәһ. Сәламәтлек саклау идарәсенең башлыгы Наталья Левицкая уртаклашты. – Ләкин алар бөтенесе, шулай әйткәндә, каймак алалар гына: тар белгечләрнең хезмәтләрен, лаборатор тикшеренүләрне тәкъдим итәләр. Бу бизнеснең социаль юнәлдерелгән булуы, медицина үзәкләре кабул итүче терапевтлар белән яхшы сыйфатлы шәһәр сырхауханәләре булуы теләктә».