Атна эчендә Казанның ашыгыч ярдәм хезмәте 8 меңнән артык чакыру үтәде

2016 елның 28 ноябреннән башлап 4 декабренә кадәр Казанның Ашыгыч медицина ярдәме станциясенә 8454 чакыру керде.  Җәмәгать урыннарына 1105 чакыру керде. Чакыруларның иң зур саны – 6810 – төрле авыруларга, шул санда 159 инсультка һәм 27 инфаркта туры килде. Бала табуларга ашыгыч медицина табиблары 94 тапкыр чыктылар.

Бәхетсезлек очракларына ашыгыч ярдәм 900 тапкыр, шул санда ЮТҺ урыннарына 32 тапкыр чыктылар. Шул ЮТҺдә 28 кеше зыян күрде, алардан 16 кеше дәвалау оешмаларына китерелде.

Янгыннарга узган атнада ашыгыч ярдәм медиклары 13 тапкыр чыктылар.

Узган атна белән чагыштырганда чакырулар саны 72гә артты (авырулар исәбенә).   Чакырулар саны  янгыннар буенча –  14кә,  инфарктлар буенча – 21гә, ЮТҺ буенча – 5кә,  бала табулар буенча – 2гә кимеде.  Чакырулар саны инсультлар  буенча 18гә артты. Җәмәгать урыннарына чакырулар саны 119га кимеде. 

Исегезгә төшерәбез,  «ашыгыч ярдәмгә» шәһәр телефоныннан «03» номерын җыеп шалтыратырга кирәк, ә кәрәзле телефоннан – «103»  (түләүсез). Әгәр шалтыратып булмый икән, тормышка куркыныч  янаган хәлләрдә «112» номеры буенча шалтыратырга мөмкин. Чукрак-телсез кешеләр SMS-хәбәрләр җибәрәләр. Авыру яисә зыян күргән кеше янына ашыгыч ярдәм бригадаларын  тиз итеп җибәрү өчен һәм үз вакытында медицина  ярдәмен  күрсәтү өчен чакыручы «03» номерында эшләүче фельдшер (диспетчер) биргән бөтен сорауларга аңлаешлы һәм төгәл итеп җавап бирергә тиеш. Чакыруның сәбәбен, урынын һәм адресын (шәһәрнең районын, урамын, квартира номерын, катын, подъезд номерын һәм кодын), ориентирларны, авыруның яисә зыян күргән кешенең фамилиясен, исемен, әтисенең исемен хәбәр итәргә кирәк. Фельдшер, бирелгән сорауларга тулы җаваплар алгач, чакыручыга «Сезнең чакыруыгыз кабул ителде» дип җавап бирсә, чакыруны кабул итү вакытын әйтсә һәм адресны кабатласа, чакыру кабул ителгән дип санала.