ЯҢАЛЫКЛАР

Татарстанның медицина белгечләре “Милләт кроссында” катнаштылар. “Милләт кроссы” стартына чыгучылар арасында Әлмәт сәламәтлек саклау хезмәткәрләре, Түбән Кама күппрофильле үзәк район хастаханәсе һәм Зәй үзәк район хастаханәсе хезмәткәрләре булдылар.

2017 нче ел ахырына кадәр, югары технологияле медицина ярдәме күрсәтү буенча укырга 40 табиб җибәреләчәк. Халыкара стандартлар буенча барлыгы меңнән артык медицина белгечләре укытылачак.

Республика балалар клиник хастаханәсендә “Иң яхшысы - балаларга” дигән хәйрия чара узды. Кунаклар алдында “Тыныч йокы, нәниләр” популяр балалар тапшыруында Хрюша, Степашка һәм Филя чыгыш ясадылар. Казанга концертка катнашырга россия телевидениесе йолдызлары: телевидениене алып баручы Татьяна Веденеева, “Кичке әкият” тапшыруында Хрюшаны тавышлыландырган, Россиянең атказанган артисты Андрей Удалов килделәр.

11 сентябрьдән алып 17 сентябрьгә кадәр Казанның ашыгыч медицина ярдәмен күрсәтү станциясенә 7878 чакыру килеп ирешкән. Җәмәгать урыннарына 1373 чакыру килгән. Иң күп чакыруларның саны - 6154 - төрле авыруларга, шул исәптән, 188- инсульт һәм 27-инфаркт очрагына туры килгән.

Бүген Казанда бөтенроссия йөгерү көне “Милләт кроссы - 2017” уза. 1 км озынлыктагы массакүләм йөгерү 20 меңнән артык төрле яшьтәге һәм төрле дәрәҗәдә спорт әзерлеге булган катнашучыларны җыйды. Катнашучылар 1, 2, 4, 6, 8 км арага йөгерүне җиңеп чыктылар. Йөгерүләр Үзәк стадион һәм цирк янәшәсендә урнашкан мәйданда узды.

Бүген Казанда 559 кеше метро станцияләре янындагы махсуслаштырылган мобиль вакцинацияләштерү пунктларында гриппка каршы прививка ясаттылар. Шәһәрлеләрнең күп өлеше “Кәҗә бистәсе” (167 кеше) һәм “Җиңү проспекты” (151 кеше) метро станцияләре янындагы пунктта прививка ясаттылар.

Бөтендөнья сәламәтлек саклау оешмасы мәгълүматлары буенча, планетаның һәр дүртенче кешесендә тромбоз очрагы булу мөмкин. Аерым хәлләрдә, кешеләр үзләре 50% үлем очрагы белән тәмамлана торган тромбоэмболиянең килеп чыгуына сәбәпче булалар.

ТР Сәламәтлек саклау министры Боерыгы белән Дәүләт автономия сәламәтлек саклау учреждениесенең Казан шәһәре “21 нче номерлы сырхауханәсе” баш табибы вазыйфасына Зыятдинов Айрат Илгизәр улы билгеләнде.

Татарстан башкаласында метродан ерак китмичә грипптан сакланып калырга мөмкин. Бүгенге көннән метро станциясе янәшәсендә мобиль вакцинацияләштерү пунктлары үзләренең эшләрен башлап җибәрделәр. Прививканы санаулы минутлар эчендә ясыйлар. Россия паспорты һәм мәҗбүри медицина страховкалау полисы документлары гына кирәк була.

“Азино” балалар сырхауханәсе сырхауханәдә сыйфат белән идарә итү инструментларын кертүгә багышланган Россия сәламәтлекне саклау күзәтчелегенең “Заманча балалар сырхауханәсе - һәр кешене кайгырту” пилотлы проектында катнаша. Көтү вакытының кыскаруы, кичектергесез ярдәм алу өчен дежур табибка мөрәҗәгать итә алу мөмкинлеге, кабул итү буенча белгечкә язылуның яңа заманча технологияләр кертү, планлы һәм профилактик кабул итүләр өчен вакытны планлаштыру - сырхауханәгә килүчеләр һәм хезмәткәрләрнең тәкъдимнәрен исәпкә алып хәл ителә торган бурычлар чишеләчәк.