Шәһәр тире-венерология диспансерының элекке баш табибы Тамилла Шарлыкова 91нче яшендә вафат булды

Шәһәр тире-венерология диспансерының элекке баш табибы, табиб-дерматовенеролог Тамилла Салих кызы Шарлыкова 91нче яшендә вафат булды. Тамилла Салих кызы Шарлыкова 1927 елның 22 октябрендә Казанда туды. 1950 елда Казан медицина институтын «Дәвалау эше» белгечлек буенча тәмамлады, аннан соң Приморский крайның Владивосток шәһәрендә, хастәханәдә табиб-лаборант булып эшләде. 1952 елдан башлап ашыгыч ярдәм станциясенең табибы, Проскуров шәһ. хәрби госпитальдә диета табибы, Хмельницкий шәһ. Өлкә тире-венерология диспансерында табиб-дерматовенеролог булып эшләде. 1957 елда Казанга кайтты, анда 1959 елда Республика тире-венерология диспансерында табиб-дерматовенеролог булып эшен башлады. 1965 елдан башлап Республика тире-венерология диспансерының дәвалау эше буенча баш табиб урынбасары вазыйфасында эшләде.