Яр Чаллыда Онкологик пациент мәктәбе узды
«Икенче сулыш» онкологик пациентларга булышу үзәгендә «Авыртуны басу» темасына онкологик пациент мәктәбе узды. Түләүсез мәгълүмати-мәгърифәтчелек чарасы «Яман шешне җиңәчәкбез» ТР иҗтимагый оешмасы белән берлектә Республика онкологик диспансер, Яр Чаллы шәһ. Ашыгыч медицина ярдәме хастаханәсе белән оештырылды. Ашыгыч медицина ярдәме хастаханәсенең баш табибы Марат Мөхәммәдиев, Республика клиник онкологик диспансерының Яр Чаллы филиалының клиник психологы Наталья Гыйләҗева һәм «Икенче сулыш» үзәгенең юристы Алсу Темкина «Пациент мәктәбе» спикерлары булып чыгыш ясадылар. Белгечләр, организмның саклану механизмы буларак, авырту турында сөйләделәр, ВАШ авырту шкаласын тикшереп ачыкладылар, кайчан һәм нинди анальгетикларны кулланырга кирәк икәнен аңлаттылар.