Россия Сәламәтлек саклау министрлыгының белгече РКДҮкә килеп китте
Россия Сәламәтлек саклау министрлыгының Ашыгыч медицина ярдәме һәм эксперт эшчәнлеген оештыру департаментының баш белгече Дмитрий Гарцев эш визиты белән Регионара клиник-диагностик үзәккә килеп китте. Ул РКДҮ эшчәнлеге, үзәкнең бүлекчәләре белән танышты. РКДҮ генераль директоры Рөстәм Хәйруллин үзәкнең тарихы, төп юнәлешләре һәм эшенең төп күрсәткечләре белән Дмитрий Гарцевны таныштырды. Клиниканың җитәкчесе А блогында урнашкан консьерж-сервисны, «Эсперанс» кафесын һәм гыйбәдәт бүлмәләрен күрсәтте. Белгечләр авыруның электрон тарихын, югары уңайлылык палаталарын, үзәкнең операция блогын күрсәттеләр. Капиталь ремонттан соң күптән түгел ачылган РКДҮнең Нур диагностикасы бүлегенә аерым игътибар бирелде. Бу бүлектә 512 кисемлек хәзерге заман РКТ аппараты эшли.