РКХдә церебраль артерияләрнең аневризматик авыруын дәвалау буенча мастер-класс узды

2019 елның 2 августы, җомга

Церебраль артерияләрнең аневризматик авыруын аз инвазив дәвалау турында бүген РКХдә сөйләделәр. Клиникада церебраль артерияләрнең аневризматик авыруын дәвалауның уникаль технологияләрен кертү буенча мастер-класс узды.

Табиблар сүзләренә караганда, әлеге методика геморрагик инсультлар үсешен булдырмаска мөмкинлек бирә. Мастер-класс Алмазов исемендәге ФМТҮ ФДБОның (Санкт-Петербург шәһ.) 3 нейрохирургия бүлеге мөдире, м.ф. к. Андрей Петров һәм РКХнең диагностика һәм дәвалауның рентгенохирургия алымнары бүлегенең ангиография кабинеты мөдире, м. ф. к. Андрей Терегулов җитәкчелегендә узды.