Яр Чаллы Сугышлар ветераннары өчен госпитале «Көзге игелек атнасы» акциясендә катнашты

2019 елның 11 сентябре, чәршәмбе

Яр Чаллы шәһ. Сугышлар ветераннары өчен госпитале #МӘРХӘМӘТЛЕТАТАРСТАН иреклеләр акциясенә кушылды. Саф һавада Тукай яр буенда клиника коллективы сәламәтләндерү зарядкасы үткәрде. Акция сәламәт яшәү рәвешен формалаштыруга юнәлтелгән.

«Көзге игелек атнасы – игелекле эшләр эстафетасы #МӘРХӘМӘТЛЕТАТАРСТАН» иреклеләр акциясе 5 сентябрьдә башланды һәм ул 12 сентябрьгә кадәр дәвам итәчәк. Халыкның төрле катламнарына: балаларга, өлкәннәргә, мөмкинлекләре чикләнгән кешеләргә ярдәм итүгә юнәлдерелгән чаралар бөтен республика буенча үткәрелде. Шулай ук волонтерлар һәм энтузиастлар шимбә өмәләре үткәрделәр, актив тормыш рәвешенә чакыручы акцияләр оештырдылар.