Казанда гөмбә белән агулануларны профилактикалау турында сөйләделәр

2019 елның 13 сентябре, җомга

«Татар-информ» мәгълүмат агентлыгында журналистлар өчен «Гөмбәләр белән агулануны профилактикалау» дигән матбугат конференция узды.

Гөмбәләр белән агулануны кисәтү «тыныч ауга» күчәр алдыннан иң мөһим аспект булып тора. Төп профилактик чаралар яңа кешеләргә генә түгел, стажлы тәҗрибәле гөмбәчеләргә дә билгеле булырга тиеш. Киңәшләрне үтәгәндә агулану ихтималы бик аз. ТР ССМ токсикологы, 7нче номерлы ШКХ токсикология бүлеге мөдире, Европа токсикологлар ассоциациясе әгъзасы Алия Насыйбуллина һәм КФУның гомуми экология кафедрасы ассистенты, миколог Ким Потапов үзләрен һәм якыннарын ничек сакларга дип сөйләделәр.