Актаныш районының мобиль сырхауханәсе кешеләрне карап тикшерә башлады

2019 елның 23 сентябре, дүшәмбе

2019 елның 20 сентябрендә «АМЯХ» ТР ДАССУнең мобиль сырхауханәсе «Сәламәтлек саклау» федераль проектын гамәлгә ашыру кысаларында Актаныш муниципаль районының Пучы саласында халыкка күчмә карап тикшерү уздыра башлады.Тар профильле белгечләр: табиблар-кардиологлар, невролог, кан тамырлары хирургы һәм уролог 132 кешегә карап тикшерү һәм консультация үткәрделәр. 23–24 сентябрьдә мобиль комплекс Пучы саласында эшен дәвам итәчәк, якын-тирә авыллардагы пациентларга график нигезендә консультацияләр биреләчәк. 25 сентябрьдән башлап 3 октябрьгә кадәр мобиль комплекс Актаныш муниципаль районының Актаныш саласында үз эшен җәелдерәчәк.