Түбән Камада Халыкара ак кул таягы көненә багышланган акция узды

2019 елның 18 октябре, җомга

«Түбән Кама медицина көллияте» ДАҺББУдә Халыкара ак кул таягы көненә багышланган акция узды.

Халыкара ак кул таягы көне җәмгыятькә физик мөмкинлекләре чикләнгән кешеләрнең янәшәдә яшәүләре, аларга ярдәм итү һәм алар белән бердәмлек турында искәртергә тиеш. Бу – әлеге кешеләр очрата торган һәм еш кына без, күрүчеләр, моны аңлап та тормыйча, ирексездән китереп чыгара торган проблемалар турында барлык кешеләргә сөйләү мөмкинлеге. Бу – тирә-юньдәгеләргә аларның уңышлы, талантлы, максатчан, тирә-юньгә позитив карашлы булуларын күрсәтү мөмкинлеге.