Татарстанда «Эшлекле пациент» проекты эшли башлады

2019 елның 29 октябре, сишәмбе

2019 елда ТР Сәламәтлек саклау министрлыгы, ТР Яшьләр хөкүмәте һәм Казан дәүләт медицина университеты ярдәмендә «Эшлекле пациент» проекты эшли башлады. Аның максаты – халыкта медицина оешмалары эшчәнлеге турында тулы күзаллау формалаштыру.

«Эшлекле пациент» аудиториясе – мәктәп укучылары, студентлар, эшләүче урта яшьтәге халык һәм пенсионерлар. Проект социаль роликлар, белем бирү мастер-класслары, викториналар һәм социаль челтәрләрдәге мәгълүмат блоклары аша сәламәтлек саклау өлкәсендәге мәсьәләләрне яктырта. Темаларны тыңлаучылар үзләре сайлый.