«Казан ярминкәсе»ндә «Сәламәтлек индустриясе. Казан 2012» күргәзмәсе эшли башлады

Бүген 17-нче халыкара махсуслаштырылган «Сәламәтлек индустриясе. Казан 2012» күргәзмәсе ачылды, ул «Казан ярминкәсе» күргәзмә үзәгендә  2012 елның 17нче  октябреннән 19нчы октябренә кадәр барачак. Күргәзмәнең  тантаналы ачылуы церемониясендә  сәламәтлек саклау министры Айрат Фәррахов һәм башка рәсми шәхесләр катнашты.
Һәр ел күргәзмә тулырак булла бара,  медицинаның яңа казанышларын күрсәтә, -дип билгеләде сәламәтлек саклау министры Айрат Фәррахов. -  Монда яңа технологияләр белән танышырга, эш бәйләнешләрен көйләргә мөмкин. Ышанып әйтәм, күргәзмә табиблар һәм белгечләр өчен аралашу һәм тәҗрибә алышу майданчыгы булачак».
Бу елда  күргәзмәдә  Россиянең төрле шәһәрләреннән:  Екатеринбург, Казан, Краснодар, Мәскәү, Түбән Новгород, Новосибирск, Санкт-Петербург, Ярославльдән һ.б. 100дән артык компания катнашачак.
Күргәзмә кысасында фәнни конференцияләр, мастер-класслар үтәчәк.