Эмори Университеты (АКШ) медицина профессоры республика сәламәтлек саклау тармагын үстерүгә югары бәя куйды

16дан 19нчы октябрьгә кадәр Татарстан Республикасында эш буенча Альфред Бранн, Эмори Университеты (АКШ) америка педиатрия профессоры була. Аңа кадәр А.Бранн ТР сәламәтлек саклау министры Айрат Фәррахов белән очрашу үткәрде. Яклар сәламәтлек саклау тармагын үстерү проблемалары һәм шулай ук алдагы хезмәттәшлек итү сораулары турында фикер алыштылар. Профессор Бран республика сәламәтлек саклау тармагының югары казанышларын билгеләде.
Конференция кысаларында  доктор Альфред Бранн (Alfred W. Brann), үтә нык кечкенә авырлыктагы җитлекми туган сабыйларны җитлектерү проблемасы буенча лекция һәм яңа туганнарга сурфактант кертү техникасы буенча мастер-класс үткәрәчәк.
Татарстан һәм чит ил белгечләре БССОның (ВОЗ) яңа туган балаларны регистрацияләүнең яңа критерияләренә туры килүче 500дән 1000 граммга кадәр булган үтә нык кечкенә авырлыктагы балаларны җитлектерүнең заманча технологияләре турында фикер алышачаклар. Бу конференция гаять зур мәгънәгә ия, чөнки АКШның җитлекми туган сабыйларны җитлектерү эшендә булган тәҗрибәсе белән танышырга мөмкинлек бирәчәк.