ТР хирургы көне

Татарстан  Республикасы сәламәтлек саклау министрлыгының 2012 ел комплекслы эш планына яраклаштырып  һәм Татарстан Республикасы халкына хирургия ярдәмен камилләштерүгә юнәлтелгән чараларын тормышка ашыру максатларында  2012 елның 26 октябрендә Татарстан Республикасы хирургларының фәнни-практик җәмгыятенең киңәйтелгән утырышы форматында  «Порталлы гипертензия диагностикасы һәм хирургия тактикасының заманча мөмкинлекләре» Республика фәнни-гамәли конференциясе (ТР хирургы көне) булачак. Татарстан Республикасында портал гипертензия синдромы булган пациентларга хирургия ярдәме күрсәтүнең сыйфатын анализлауга Татарстан Республикасы сәламәтлек саклау министрлыгы баш штаттан тыш хирургы, медицина фәннәре докторы , профессор А.Ю. Анисимов чыгышы багышланачак. Хирургия проблемасы буларак олыларда порталлы гипертензиянең заманча халәте һәм үсеше: этиология, патогенез һәм дәвалау тактикасы үзенчәлекләре турында ФБДУ РМФА(РАМН) академик Д.А. Петровский исемендәге Россия хирургия фәнни үзәге профессоры, медицина фәннәре докторы Е.А. Киценко сөйләячәк. Моннан тыш, порталлы гипертензия синдромын хирургия төзәтүе буенча үз тәҗрибәләре белән ТР ДАССО Яр Чаллы шәһәре АМЯБ (БСМП), ТР ССМ ДАССО БРКБ, ДАССО Казан шәһәре 1нче ДАМЯБ (ГБСМП) һәм ССМ ДАССО РКДҮ (МКДЦ) хирурглары бүлешәләр.
Үткәрү вакыты һәм урыны: 2012 ел 26 октябрь, Казан шәһәре, Югары медицина технологияләре Белем бирү үзәге.