"Ел табибы - Ак чәчәкләр" бәйгесе җиңүчеләре Германиядә стажировка үттеләр

2012елның 15нән 21нче октябрьгә кадәр Дюссельдорфта (Германия) "Ел табибы - Ак чәчәкләр" бәйгесе җиңүчеләре стажировкасы үтте. Стажировканың темасы «Германиядә сәламәтлек саклау: медицина хезмәте күрсәтүне оештыру, сәламәтлек саклау системасын финанслау, медицинада инновацион идарә итү».
Белгечләр республика өчен аеруча мөһим булган юнәлешләр буенча, шул исәптән Татарстанда хәзерге вакытта тиешле үсеш алмаган тар специальлекләрдән, тәҗрибә ала алдылар.
Белгечләр төркеме кабул итү бүлмәсе, реанимация  бүлеге, операция блогы, травматология һәм ортопедия бүлекләре дәрәҗәсендә  пациентларны госпитализацияләү, ашыгыч медицина ярдәме күрсәтү буенча тәҗрибә алдылар. Стажировка әйдәүче белгечләргә чит илдә алынган тәҗрибә нигезендә  республика клиникалары эшен яхшырту буенча төрле чаралар кертергә ярдәм итәчәк. Стажировка Татарстан Республикасы сәламәтлек саклау министрлыгы тарафыннан оештырылды.