ТР Президенты төзелүче Казан шәһәренең яңа Ашыгыч медицина ярдәме шифахәнәсенә килде

Бүген ТР Президенты Рөстәм Миңнеханов 7нче шәһәр шифахәнәсе базасында Казан Ашыгыч медицина ярдәме шифахәнәсен төзү эшләре белән танышты. Республика башлыгы өчен клиника буйлап экскурсияне ТР сәламәтлек саклау министры Айрат Фәррахов үткәрде.
ТР Президентына заманча кыйммәтле югары технологияле җайланма урнаштыру буенча монтаж эшләре бара торган кабул итү бүлеген күрсәттеләр. УТТ(УЗИ)-диагностика аппаратлары җибәрелде, компьютер томография аппараты, рентгенаппарат урнаштырыла. Шулай ук ул хәзер эчке эшкәртү эшләре бара торган патологоанатом бүлегендә  һәм 12-катлы АМЯШ корпусында булды. Шушы корпус 487 ятаклы 12 бүлек,  диагноз бүлеге, даруханәләр, операция һәм реанимацион блок урнаштыруны күздә тота.
Клиника буенча экскурсиядән соң, министр карар итәргә кирәк булган сорауларны әйтеп үтте – бу, аерым алганда, парковка төзү, клиника янындагы күлне чистарту һәм яр буе территориясен төзекләндерү.
Яңа АМЯШ Универсиада кунакларына һәм катнашучыларга һәм шулай ук Елга буе районының 500 меңнән артык яшәүчеләре булган халкына хезмәт күрсәтәчәк. Шушы  масштаблы проектны тормышка ашыру бөтен шәһәр яшәүчеләренә кичектергесез ярдәм күрсәтү системасын кискен үзгәртеп корырга рөхсәт итә.
Бу 10 заманча операция бүлмәсе, зур кабул итү бүлеге, персонал өчен аерым керү булган зур үзәк булачак. Вертолет майданчыгы каралган. Шулай итеп, авыруларны эффектив транспортировкалау өчен шартлар булдырылачак. (МА «Татар-информ»)