Медпрофилактика үзәге тәмәке тартуга каршы акция үткәрә

«Республика медицина профилактика үзәге» ДАССО инициативасы буенча 15 ноябрьдә студент яшьләрдә сәламәт яшәү рәвешен формалаштыруга һәм тәмәке тартудан баш тартуны мотивацияләүгә юнәлтелгән Халыкара тәмәке тартудан баш тарту көненә багышланган масштаблы акция үтәчәк.

Планетабызда  һәр ун секунд саен бер һәвәс тәмәкече үлә. Дөньякүләм сәламәтлек саклау оешмасы мәгълүматлары буенча дөньяда үпкә яман шешеннән үлүнең 90%ы, озакка сузылучан бронхиттан - 75%ы  һәм йөрәкнең ишемик авыруыннан - 25%ы  тәмәке тарту белән бәйләнгән.

Россиядә  65% ир-ат һәм 30%тан артык хатын-кызлар тәмәке тарта; алардан  80% ир-ат һәм 50% хатын-кыз үсмер яшьтә тарта башлаганнар. Милли тикшеренү мәгълүматлары буенча, соңгы 20 ел эчендә тәмәкечеләр өлеше 440 мең кешегә артты, һәм бу беренче чиратта яшьләр һәм хатын-кызлар хисабына барлыкка килә. Шулай итеп, 15-19 яшьтә  40% егетләр һәм 7% кызлар тарта, шул ук вакытта алар көнгә уртача 12 һәм 7 тәмәке тарталар.

Бүген кулланучыларга агулаучан тәмәке төтене кеше үпкәләренә ничек йогынты ясавы һәм тәмәке тарту сәламәтлек өчен нинди куркыныч нәтиҗәләргә  китерүе турында дөрес мәгълүматны җиткерү мөһим.

Тәмәке тарту белән көрәшергә кирәклеге турында безнең планетада елга ике тапкыр искә төшерәләр: 31 майда һәм ноябрьнең һәр өченче пәнҗешәмбесендә  (Халыкара тәмәке тартудан баш тарту көне).

Беренче «бәйрәм» Дөньякүләм сәламәтлек саклау оешмасы тарафыннан 1988 елда кабул ителгән, ә икенчесе америка онкологик җәмгыяте белән 1977 елда оештырылган. Халыкара тәмәке тартудан баш тарту көне максаты - тәмәке бәйлелеге таралуны киметүгә булышу, тәмәке тартуга каршы көрәшкә халыкның бөтен катламнарын җәлеп итү, тәмәке тарту профилактикасы һәм тәмәкенең сәламәтлеккә һәлакәтле йогынтысы турында җәмгыятькә җиткерү.

Халыкара тәмәке тартудан баш тарту көненә багышланган акция кысаларында Республика наркология диспансеры, Психотерапия үзәге, 4нче шәһәр «Студент» хастаханәсе, «Республика медицина профилактика үзәге» табиб-белгечләре тарафыннан тәмәке тартудан баш тарту буенча шәхси консультацияләр үткәреләчәк.
Республика медицина профилактика үзәге «Тәмәке тарту җавап кайтара», «Тәмәке колы булма», «Үпкәләр – организмның чистарткычлары» видеофильмнары демонстрациясен һәм шулай ук акциядә катнашучыларны  смоколайзерда тикшерүне оештыра.

13.00да ЮУЙлар (ВУЗ)  һәм УМУЙларның (ССУЗ)  укыту-тәрбияләү бүлеге җитәкчеләре, КДМУ, КДМА укытучылары, акцияне оештыручылар катнашуы белән «Яшьләр арасында тәмәке тарту таралуны кисәтүдә  ЮУЙлары һәм УМУЙларның (ССУЗ) роле» проблемасы буенча түгәрәк өстәл булачак.

Үткәрү вакыты: 2012 елның 15нче ноябре, 12.00-14.00.

Үткәрү урыны: Казан шәһәре, Оренбург тракты ур., 95нче йорт адресы буенча 4нче шәһәр «Студент» хастаханәсе.