Казанда Россия Флебологлары ассоциациясе мәктәбе узачак

2020 елның 21 февралендә Казанда Россия Флебологлары ассоциациясенең региональ белем бирү мәктәбе узачак. Чара бер мәйданчыкта хирургларны, флебологларны һәм кан тамырлары хирургларын, шулай ук башка белгечлек табибларын: гематологларны, терапевтларны, кардиологларны, эндоваскуляр хирургларны, анестезиолог-реаниматологларны, ультратавыш һәм нур диагностикасы белгечләрен, сәламәтлек саклауны оештыручыларны берләштерәчәк. Белгечләр өчен катнашу бушлай.

Мәктәптә укытуның төп принциплары – практик юнәлеш, түләүсез катнашу, лекторлар һәм тыңлаучылар арасында дистанцияне кыскарту һәм бөтен илдә медицина хезмәтләренең тигез сыйфатына ирешү омтылышы.