Чистайлыларга ЛОР-авыруларны профилактикалау турында сөйләделәр

2020 елның 7 феврале, җомга

Чистай ҮРХ сырхауханәсенең хезмәткәрләре һәм Чистай медицина училищесы студентлары ЛОР-авыруларны профилактикалауга багышланган акция оештырдылар.

ЛОР-органнар патологияләре – пациентларның дәвалау учреждениеләренә мөрәҗәгать иткәндә ачыкланган авырулар структурасында иң киң таралган авыруларның берсе. ЛОР-органнар авырулары организмның барлык системаларына сизелерлек йогынты ясый һәм башка авырулар барлыкка килүгә китерә, шулай ук аларның өзлегүләрен китереп чыгара, бу эшкә сәләтсезлекнең сәбәбе булып тора.