Татарстанда кеше хокуклары буенча вәкил һәм ТР сәламәтлек саклау министры медицина мәсьәләләре буенча гражданнарны кабул итте
Кеше гомере, сәламәтлеге – тормыштагы иң кадерле кыйммәтләр. Сәламәтлек саклауга һәм медицина ярдәменә хокукына гарантиясе мөһим әһәмияткә ия, һәм дәүләткә әлеге хокукны нәтиҗәле гамәлгә ашыру өчен барлык чараларны күрергә кирәк.
Бүген Татарстан Республикасында кеше хокуклары буенча вәкил Татарстан Республикасы сәламәтлек саклау министры белән берлектә гражданнарны кабул итте. Очрашуда республиканың 11 гражданы үз сорауларын видеоэлемтә режимында бирде.
Видеоэлемтә дәвамында дарулар белән тәэмин ителеш, табибларга язылу, медицина тикшеренүе үтү, сырхауханәләр һәм хастаханәләр төзү кебек мәсьәләләр каралды.
Киләсе очрашу 2020 елның 23 июнендә булачак - Татарстан Республикасында Кеше хокуклары буенча вәкаләтле вәкил һәм Татарстан Республикасының баш суд приставы гражданнарның сорауларына җавап бирәчәк. Кабул итүгә язылу өчен Телефон: (843) 236-41-80.