Республика клиник онкология диспансерында уникаль операция уздырдылар
Ир-ат республиканың ике клиникасында дәвалану узганннан соң, диспансер белгечләренә мөрәҗәгать итә. Биредә белгечләр пациентны тикшерә, һәм уникеилле эчәкнең зур үсентесе яман шеше булуын ачыклый. РКОД табиблары операция үткәрү кирәклеге турында карар кабул итә.
Хирурглар Әмир Вәлиев һәм Мөхәммәдали Маткалыков 10 онкология бүлегеннән һәм анестезиолог Ирина Зиновьева интракорпораль реконструктив этап белән лапароскопик гастропанкреатодуоденаль резекция ясый, аның асылында ашказаны чыгу өлешен, уникеилле эчәкне һәм ашказаны асты бизенең башын бетерүдән гыйбарәт. "Сәламәтлек саклау" илкүләм проекты кысаларында заманча җиһазлар алынган сәбәпле һәм хирургларның югары һөнәри осталыклары аркасында гамәлгә ашырып булган методика өзлегүләрне киметергә һәм пациентның тормыш сыйфатын яхшыртырга мөмкинлек бирә. Хәзер пациент төзәлүгә бара һәм чыгарга әзерләнә.
Бу төр операция Идел буе төбәгендә беренче тапкыр ясала. Элегрәк бу операцияне Мәскәү клиникасында гына башкарганнар.