"Авыру бар, һәм ул бик куркыныч…»
"Башта ирем авырып китте, ризыкның тәмен тоймавына зарланды. Мунчадан соң аның температура 37 градуска кадәр күтәрелде, әмма иртән барысы да нормальләште. Икенче көнне минем температура 38гә күтәрелде. Шунда ук табиб чакырттым. Билгеләнгән дарулар булышмады, температура төшмәде. Биш көннән без ашыгыч ярдәм чакырттык. Аннан соң безне хастаханәгә салдылар. Ирем тиз арада төзәлүгә барды. Мин дәвалануга карамастан, хәлем начарланды. Нәтиҗәдә, үпкәләрнең 75% ы зарарланган иде. Һава җитмәү сәбәпле, мин кислородка мохтаҗ идем. Мин хәтта бәдрәфкә барып җитә алмадым, чөнки һәр хәрәкәт миңа авыр бирелде. Мин көчсез идем. Палатага барып җитә алмадым, кызлар мине эләктереп ала һәм караватка корсакка сала. Хәтта йотарга да көч юк иде. Палатадагы күршеләрем куркуны җиңәргә һәм ашарга кирәк, диделәр. Бик авыр иде. Авырган вакытта мин 8 килограммымны югалттым, нык ябыгтым.
25 августта мине чыгардылар. Мин шулкадәр көчсезләнгән идем ки, хәтта подъезддагы баскычларга күтәрелә алмадым. Ирем мине өйгә алып керде. Акрынлап хәлләндем. 11 сентябрьдә табиб янына бардым. Шуңа кадәр табибны өйгә чакырттым", - дип сөйли Ольга Николаевна.
Хәзер Ольга Бажанова 2-нче номерлы поликлиниканың көндезге стационарында реабилитацияне уза.
"Бу авыру бар һәм ул бик куркыныч. Үзегезне һәм якыннарыгызны саклагыз", - дип теләде Ольга Бажанова.