Күкрәкнең яман шешенә каршы бергәләп көрәшик

2020 елның 28 октябре, чәршәмбе

Түбән Кама «Әнинең гомерен саклап калыйк» бөтенроссия проекты кысаларында уза торган «күкрәкнең яман шешенә каршы бергә» акциясенә кушылды.

Исегезгә төшерәбез, Түбән Камада ел башыннан күкрәкнең яман шеше 81 хатын-кызда ачыкланган, күпчелегендә башлангыч стадияләрдә булган. Барлыгы 1538 кеше исәптә тора. Табиблар хатын-кызларга үз-үзләрен тикшерергә, гинекология авыруларын вакытында дәваларга киңәш итә. Ә сөт бизендә шеш яки тыгызлану сизгән очракта терапевтка мөрәҗәгать итәргә кирәк.