Табиб Татарстанда Яңа ел бәйрәмнәрендә еш очрый торган күз җәрәхәтләре турында сөйләде
Яңа елны бәйрәм иткән вакытта еш кына офтальмологиягә шампан бөкеләре яки кар белән уйнаганда, шулай ук салют һәм петардтан пешкән тән җәрәхәтләре аркасында мөрәҗәгать итәләр. Бу хакта «Татар-информ» мәгълүмат агентлыгында узган матбугат конференциясендә Республика клиник офтальмология хастаханәсе табибы Элина Минхузина сөйләде.
«Иң баналь — шампан бөкесе тертелүе. Мондый мөрәҗәгатьләр ел саен бар. Икенчесе — петарда һәм бенгаль утларын шартлату. Сертификацияләнгән кибеттә боларның барысын да сатып алырга һәм куркынычсызлык техникасын үтәргә кирәк», — дип билгеләп үтте спикер.
Ул сугышу, шул исәптән исереклек аркасында мөрәҗәгатьләр була, дип өстәде.
Элегрәк «Татар-информ» МА хәбәр иткәнчә, Казанда бозлавык аркасында килеп чыккан имгәнүләр саны пандемия аркасында 40%-ка кимегән.
Тулырак мәгълүмат: https://www.tatar-inform.ru/news/health/08-12-2020/vrach-rasskazal-o-samyh-chastyh-travmah-glaz-na-novyy-god-v-tatarstane-5791062