Чаллы медиклары өшү куркынычы турында кисәтә
Менә Яңа ел бәйрәмнәре дә тәмамланды. Барлык халык бәйрәм итте һәм ял итте, ә бу вакытта Яр Чаллының Ашыгыч медицина ярдәме хезмәте көчәйтелгән дежурлыкка күчерелде. Каникуллар вакытында алар кешеләргә беренче, кирәкле ярдәмне күрсәттеләр.
32 ашыгыч ярдәм бригадасы Яңа ел каникулларында тәүлек әйләнәсе эшләде. Гадәти көннәрдә бер бригада тәүлегенә 18-20 тапкырдан артык чыга, бәйрәм көннәрендә чакырулар 40-50% ка арткан.
"Күпчелек чакырулар югары температуралы пациентларга туры килде. Шулай ук кышкы уеннар белән бәйле травмалар булган пациентлар - таулар, тюбинг, ледянкалар да булды", - дип билгеләде үзәк ашыгыч медицина ярдәме станциясе мөдире Фәнүзә Шакирҗан кызы Попова.
Шулай ук Ашыгыч медицина ярдәменең диспетчерлык пультына өшү турында чакырулар килде.
Ф. Попова сүзләренә караганда, еш кына исерек хәлдә кешеләр өши: "Алкоголь организмның җылынуы турында ялган мәгълүмат бирә, чынлыкта, кеше тизрәк туңа, алар аяк-кулларны ампутацияләү яки хәтта фаҗига белән дә тәмамланырга мөмкин".
Өшүнең беренче күренешләрен сизеп булмый. Тән тиресе температурасы кими, ул тоныксызлана, агара, сизгерлекне югалта, әмма чеметү яки яну сизелергә мөмкин.
"Өшегәндә, саклык белән һәм акрынлап туңган аяк-кулны җылытырга, җылы, йомшак, йоннан киемнәргә төрү кулайрак булыр. Бер генә очракта да кар белән ышкымаска, чөнки өшегән тукымаларда вак кан тамырларына зыян килә. Зыян күрүгә кайнар чәй бирергә мөмкин. Алкогольне бернинди очракта да бирмәскә һәм кичекмәстән ашыгыч ярдәм бригадасын чакыртырга кирәк", — дип киңәш итә Ф.Попова.
Игътибарлы булыгыз һәм үзегезне саклагыз!