Чистай Үзәк район хастаханәсендә капиталь ремонтның беренче этабы тәмамланды
Чистай муниципаль районы башлыгы Дмитрий Иванов үзәк район хастаханәсенең стационарында капиталь ремонт барышының беренче этабы белән танышты.
Исегезгә төшерәбез, Чистай РҮХнең стационар бинасын капиталь ремонтлау 2017 елда Татарстан Республикасы Президенты Рөстәм Миңнеханов һәм республиканың Сәламәтлек саклау министрлыгы ярдәме белән Татарстан Республикасы Министрлар Кабинеты күрсәтмәсе буенча башланды.
Хәзерге вакытта яңа операция блогы эшли. Операция бүлмәләрендә нейрохирургия, травматология, хирургия, урология профильләренең төрле операцияләрен, шул исәптән артроскопик, лапароскопик һәм башка төр тыкшынулар кебек операцияләрне башкару өчен заманча җиһазлар урнаштырылган. Бишенче катта пациентлар өчен кардиологик профильдәге пациентлар һәм кан тамырлары үзәге өчен заманча җиһазландырылган палаталар урнашкан.
Хәзерге вакытта Чистай РҮХ стационарында икенче һәм өченче катларны капиталь ремонтлау буенча әзерлек бара. Шулай ук кабул итү-диагностика бүлеге төзелеше бара.