2020 елда туберкулез белән авыручылар саны 18,8% ка кимегән
Республика туберкулезга каршы клиник диспансерының медицина советы утырышы булды, утырышта оешманың узган ел эшчәнлегенә йомгак ясалды. Утырыш ТР сәламәтлек саклау министрының беренче урынбасары А.Р. Абашев, ТР буенча Роспотребнадзор территориясен санитар саклау бүлеге башлыгы Л. О. Борисова, «ТР Гигиена һәм эпидемиология үзәге» ФБССУның табиб-эпидемиологы Н. Ф. Зәйнетдинова, «ТР ССМ СПИДны профилактикалау һәм аңа каршы көрәш буенча Республика үзәгенең» медик-социаль реабилитацияләү бүлеге мөдире А. А. Камаев һәм башка чакырылган кунаклар катнашында узды.
2020 елда туберкулезга каршы хезмәт эшчәнлегенең төп күрсәткечләрен диспансерның баш табибы А.П. Алексеев тәкъдим итте. Ул билгеләп үткәнчә, COVID-19 яңа коронавирус йогышы пандемиясе шартларында туберкулез белән авыручыларга амбулатор ярдәм күрсәтүне үзгәртеп корырга һәм күчмә табиб-шәфкать туташлары бригадаларын оештырырга кирәк булды. РКПД бактериологик лабораториясенең молекуляр-генетик тикшеренүләр өчен җиһазлар белән тәэмин ителүен исәпкә алып, лаборатория COVID-19ны ачыклауга тәүлегенә 192 кешегә диагностика үткәрүне тәэмин итә башлады. Хәзерге вакытта яңа типтагы коронавирус йогышын лаборатор диагностикалау буенча эш дәвам итә, 11 400 тикшеренү нәтиҗәсендә эшләнгән.
2020 елда территориаль туберкулез белән авыручылар саны 2019 ел белән чагыштырганда 18,8% ка кимегән һәм 100 мең кешегә 23,4 тәшкил иткән (2019 елда – 28,8; 2018 елда – 100 мең кешегә 29,6). 2020 елда туберкулездан үлүчеләр саны, 2009 ел белән чагыштырганда, 7,4% ка кимегән.
ВИЧ+ТБ патологиясе белән берләшкән авырулар санының 19,0% ка кимүе исәбенә беренче тапкыр ачыкланган авырулар арасында ВИЧ-инфекциялеләрнең өлеше кимеде һәм беренче тапкыр ачыкланган барлык авырулар структурасында 20,0% тәшкил итте.
2020 елда Татарстан Республикасы бюджеты исәбеннән Республика туберкулезга каршы клиник диспансерына 10,0 млн. сумлык күчмә флюорография комплексы алынды. Бу ерактагы авыл торак пунктларында туберкулезны ачыклау һәм тикшерү, күкрәк куышлыгы органнарының башка патологиясен ачыкларга мөмкинлек бирәчәк.
Яшь белгечләрне җәлеп итү эше дәвам итә. 2020 ел да диспансерга һәм аның филиалларына 12 табиб (6 табиб (РКПДда (Казан) һәм 6 табиб РКПД филиалларына) эшкә килде.
Йомгаклап А.П. Алексеев 2021 елга туберкулезга каршы хезмәтнең бурычы – туберкулез белән авырулар һәм үлүчеләр санын стабильләштерү: 27,0 дәрәҗәсендә авырулар санын һәм 100 мең кешегә 2,7 не тәшкил итү, дип ассызыклады.
Балалар буенча баш табиб урынбасары Р.Х. Фатыйхова 2020 елда Татарстан Республикасында балалар һәм яшүсмерләр арасында туберкулезны иртә ачыклау һәм профилактикалау мәсьәләләрен яктыртты. Балалар арасында туберкулезны иртә ачыклау өчен массакүләм иммунодиагностиканың мөһимлеген, шулай ук туберкулез белән авыручы 33 баланың 32се профилактик рәвештә ачыклануын билгеләп үттеләр.
Медсовет ахырында катнашучылар алдында ТР сәламәтлек саклау министрының беренче урынбасары А.Р. Абашев чыгыш ясады. Ул ТРда Туберкулез буенча төп күрсәткечләрнең уңай динамикасын, шулай ук бүгенге көндә туберкулезга каршы хезмәт эшчәнлегенең барлык юнәлешләренең актуальлеген һәм кирәклеген билгеләп үтте. Туберкулезга каршы көрәш эшендә коммерцияле булмаган иҗтимагый оешмалар белән тагын да киңрәк хезмәттәшлек итүне тәкъдим итте һәм Республика туберкулезга каршы клиник диспансерының баш табибы А.П. Алексеевка һәм барлык хезмәткәрләргә башкарылган зур эшләре өчен рәхмәт белдерде.