Казанда «Kazan Summit 2021»та COVID-19 вакытында пациентларны дәвалауда һәм реабилитацияләүдә инновацион алымнар темаларына фикер алышачаклар

2021 елның 22 июле, пәнҗешәмбе

28 июльдән 30 июльгә кадәр Казанда «Россия-Ислам дөньясы: Kazan Summit 2021» XII Халыкара икътисади саммит узачак. Саммит кысаларында Россия Федерациясе Мөселманнары Диния нәзарәте «COVID-19 шартларында Медицина» сессиясе узачак. Сессиядә Татарстан сәламәтлек саклау министры урынбасары Владимир Жаворонков чыгыш ясаячак.

Секция эшендә катнашучылар COVID-19 вакытында пациентларны дәвалауда һәм реабилитацияләүдә инновацион алымнар, медицина технологияләре трансферы, вакцинация, сәламәтлек саклауда цифрлы технологияләр һәм башка темаларга Россия һәм чит ил белгечләре үз тәҗрибәләре белән уртаклашачаклар.

Әлеге чара коронавирус инфекциясенә каршы көрәштә инновацион алымнарны үстерүгә һәм халыкның сәламәтлеген саклауга яңа юнәлешләр эзләүгә өстәмә импульс бирәчәк.

ЯҢАЛЫКЛАРГА ЯЗЫЛУ
Все материалы сайта доступны по лицензии:
Creative Commons Attribution 4.0 International