Татарстан Республикасы Сәламәтлек саклау министрлыгы 2022 елга Министрлыкның максатларын һәм бурычларын гавами формалаштыруның башлануы турында игълан итә.
Министрлык экспертлары составына социаль юнәлешле коммерцияле булмаган оешмалар, һөнәри һәм академик берләшмәләрдән 13 кеше керә.
Ел ахырына кадәр экспертлар халык белән бергә киләсе елга министрлыкның иң мөһим эш юнәлешләрен һәм индикаторларын билгеләячәк. Тәкъдимнәр Иҗтимагый совет тарафыннан каралачак һәм ачык онлайн-тавышка чыгарылачак. Татарстанлылар тәкъдим ителгән максатлар һәм бурычлар өчен тавыш биреп кенә калмыйча, үз вариантларын да тәкъдим итә алачак.