ЯҢАЛЫКЛАР

Яр Чаллының 5нче номерлы Шәһәр хастаханәсендә һәлакәтләр медицинсы хезмәтенең катнашуында механик травма белән зыян күргәннәрнең масса-күләм керүләре вакытында махсуслаштырылган медицина ярдәменең бригадасы һәм табиб-шәфкать туташлары бригадалары хәрәкәтләренә багышланган укулар узды.

Түбән Камада Бөтендөнья артериаль гипертония көненә туры китерелгән «Үзеңнең кан басымыңны бел» профилактик акциясе узды. Медицина профилактикасы үзәгенең һәм Сәламәтлек үзәгенең белгечләре инфарктларны һәм инсультларны профилактикалау турында халыкка искә төшерер өчен түбән кама базарына чыктылар.

Казанда «Балачак дөньясы» дигән махсуслаштырылган күргәзмә уза. Ел саен чара балаларны, аларның ата-аналарын һәм булачак әниләрне, шулай ук балалар өчен товарларның һәм хезмәт күрсәтүләрнең җитештерүчеләрен һәм тәэмин итүчеләрен бер мәйданчыкта җыя. Гадәттәгечә күргәзмәдә республика медицина учреждениеләренең  экспозицияләре тәкъдим ителгән. Ике көн дәвамында балалар сәламәтлегенең, үсешенең һәм тәрбиясенең көнүзәк мәсьәләләре буенча конференцияләр, семинарлар, түгәрәк өстәлләр үткәреләчәк.

Балалар республика клиник хастаханәсенең хезмәткәрләре тарафыннан мобиль үзәктә балаларны тикшерүләр үткәрелә, лекцияләр һәм практик чаралар уздырыла.

Беренче көн эчендә БРКХ сәламәтлекнең мобиль үзәгендә учреждениенең белгечләре 150дән артык балага тикшерүләр уздырдылар: канда шикәр һәм холестерин дәрәҗәсен билгеләүне, физик үсешнең дәрәҗәсен билгеләүне, сулау функциясенең һәм йөрәк эшләвенең хәлен, авыз куышлыгын бәяләүне.

Күргәзмәләр комплексының лекция залларында эндокринология, гинекология, урология профильләрендәге белгечләр лекцияләр үткәрделәр һәм яшь тыңлаучыларга сәламәт яшәү рәвеше темасына белемне арттыру фильмнарын күрсәттеләр.

Күргәзмәне үткәрүнең бөтен көннәрендә сәламәтлекнең мобиль үзәге эшләячәк. Шулай ук алдагы көннәрдә «Күкрәк сөте белән ашатуга дәлилләү» дигән йөкле хатын-кызлар өчен сәламәтлек мәктәбенең дәресләре үтәчәк.

Бүген Республика кан үзәгендә «Игелекнең ункөнлеге» кысаларында «Игелекле Казан» иҗтимагый оешмасы, «Мин – ТР Доноры» - Татарстан Республикасының Иҗади яшьләр академиясе» Региональ иҗтимагый оешмасы белән берлектә «Йөрәгеңнең җылысы белән уртаклаш» дигән донор акциясе узды.

Акциядә 100дән артык шәһәр кешесе катнашты. Бөтен донорлар чарада катнашу истәлеге итеп тематик сувенирлар алдылар. Үткәрелгән акция нәтиҗәсендә банк 41 литр кан белән тулыланды.

Казанда Бөтенроссия «ТУКТА ВИЧ/СПИД» акциясе бишенче тапкыр үткәрелә, акциянең төп максатчан аудиториясе – элеккечә үк яшьләр һәм, беренче чиратта, һөнәри белем бирү оешмаларының һәм югары белем бирү оешмаларының студентлары, шулай ук гомуми белем бирү оешмаларының өлкән класс укучылары.

Изге Рамазан ае 15 майда башлана һәм 14 июньгә кадәр дәвам итәчәк, ә аның белән ураза – мәҗбүри ризыктан тыелып тору вакыты. Нинди авыру вакытында уразага керү ярамый һәм мөселманнарга үзләренең сәламәтлекләренә зыян китермәс өчен ничек уразаны тотарга?

Бүген, Халыкара гаилә көнендә, Республика клиник хастаханәсендә Татарстан Президенты Р. Н.Миңнеханов исеменнән Котлау адреслары тапшырылды. Киамовлар һәм Акиншиннар гаиләләре бәхетле парлар булдылар. Сабыйларның гаиләләре белән бергә бу бәхетне РКХ Перинаталь үзәгенең җитәкчеләре һәм хезмәткәрләре – акушерлык-гинекология ярдәме буенча баш табиб урынбасары И. Р. Галимов, яңа туган балалар өчен бүлекнең җитәкчесе А. Р. Идиятуллина һәм бүлекләрнең шәфкать туташлары уртаклаштылар. Бәхетле әти-әниләр бәхет нигезе – мәхәббәт дип, саныйлар. Бүген романтик парлар икенче балалары белән чыктылар – Киямовлар гаиләсендә икенче кыз туды, Акиншиннар гаиләсендә малай – дүрт яшьлек кызлары өчен кече энекәш туды. Беренче документны – туу турында таныклыкны –  тапшыру тантанасын Идел Буе районы буенча ЗАГС идарәсе бүлегенең баш белгече В. Н.Хәбибуллина үткәрде.

Бүген Бөтенроссия «Тукта ВИЧ/СПИД» акциясе кысаларында узучы «Казан–Яшел Үзән–Чистай–Казан» автомобильләр ярышы Яшел Үзәндә туктап алды. Күчеп йөрүче мобиль комплекста барлык теләүчеләр ВИЧ-йогышына аноним түләүсез тест уза, шулай ук Республика СПИД үзәгенең белгечләреннән консультация ала алдылар. Акция барышында үзләренең ВИЧ-статусын 103 кеше белде. Исегезгә төшерәбез, автомобильләр ярышының оештыручылары –  Татарстан Республикасының «Профилактика һәм инициатива» региональ иҗтимагый оешмасы белән бергә ТР Сәламәтлек саклау министрлыгы, Республика СПИД үзәге.

2018 елның 17 маеннан башлап 19 маена кадәр «Казан ярминкәсе» Күргәзмә үзәгендә «Балачак дөньясы. Казан» дигән махсуслаштырылган күргәзмә узачак. Ел саен чара балаларны, аларның ата-аналарын һәм булачак әниләрне, шулай ук балалар товарларын сату һәм хезмәтләрен күрсәтү буенча җитештерүчеләрне һәм тәэмин итүчеләрне бер мәйданчыкта җыя. Күргәзмәдә сөт продуктлары һәм балалар ризыгы, подгузниклар, гигиена чаралары, күкрәк белән ашату өчен товарлар, балалар әдәбияты, үстерү өчен уеннар, дөнья-күләм җитештерүчеләрдән балалар өчен медицина препаратлары һәм башка бик күп нәрсәләр тәкъдим ителәчәк.

Бу көннәрдә республика районнарында «Сәламәтлек – 2018» дигән Татарстан Республикасы сәламәтлек саклау хезмкәткәрләре Спартакиадасының зональ сайлап алу ярышлары узды. Әгерҗе, Мамадыш, Менделеевск, Тукай һәм Теләче районнарының медицина хезмәткәрләре Тукай районына килделәр, ә Тәтештә Апас, Буа, Чүпрәле, Кайбыч, Кама Тамагы һәм Тәтеш районнарының командалары көч сынаштылар. Иң төрле медицина белгечлекләренең вәкилләре алты спорт төре буенча: җиңел атлетика, шахмат, волейбол, өстәл теннисы, бадминтон һәм аркан тарту буенча үзләрен сынап карый алдылар.