ЯҢАЛЫКЛАР
Татарстан республикасы Медицина хезмәткәрләренең ассоциациясе исеменнән табибларны, шәфкать туташларын, фармацевтларны, администраторларны, санитаркаларны һәм медицина оешмаларының эшен тәэмин итүчеләрне Яңа 2017 ел белән котлыйбыз! Икътисадта кыенлыкларга карамыйча, Татарстан Республикасы Сәламәтлек саклау министрлыгының көйле эше һәм медицина хезмәткәрләренең фидакарь хезмәте аркасында сәламәтлек саклау системасы өчен узып китүче ел уңышлы булды.
ТР Сәламәтлек саклау министрлыгы һәм РФ сәламәтлек саклау хезмәткәрләре профсоюзының Татарстан республика оешмасы белән 2017–2019 елларга Сәламәтлек саклау министрлыгы карамагында булучы оешмалар буенча Тармак килешүе төзелде. Бу тармак дәрәҗәсендә кабул ителгән 13нче килешү инде. Ул республиканың сәламәтлек саклау хезмәткәрләренә мөһим социаль гарантияләр тәэмин итә.
Хастаханә чираттагы тапкыр махсуслаштырылган тәүлек буе сузылган стационар ярдәмен һәм беренчел медик-санитар ярдәмне күрсәтүнең югары дәрәҗәсен раслады. ISO 9001:2015 ярашлык сертификатының яңа версиясе оешмага иң эре халыкара сертификацияләү һәм экспертлар оешмасы белән бирелде.
Яңа ел алдыннан Түбән Кама үзәк район күп профильле хастаханәсендә Түбән Кама телерадиокомпаниясенең «Кыш Бабае бул» дигән акциясендә катнашырга яхшы гадәт булды. Бу елда акциядә хастаханәнең бөтен хезмәткәрләре катнашты.
ТР сәламәтлек саклау министрының боерыгы белән Татарстан Республикасы Сәламәтлек саклау министрлыгының эшләре белән идарә итүче вазыйфасына Идеал Айзетуллов билгеләнде.
Республика клиник хастаханәсенең балалар травматологиясе һәм ортопедиясе бүлегенең кечкенә пациентлары өчен Яңа ел бәйрәмен уздырдылар. Балаларны котларга Кыш бабай һәм Кар кызы, Царь улы Иван, Гакыллы Василиса, Баюн-мәчесе, Убырлы карчык, Бармалей һәм Әкият принцессасы килделәр.
Кама балалар медицина үзәгенең кечкенә пациентларына Кыш бабай һәм Кар кызы килеп киттеләр. КБМҮдә дәвалауда булучы 200 артык бала бүләк алды. Кыш бабай һәм Кар кызы шулай ук бүлекләр буенча йөреп алдылар, хастаханәгә әкият геройлары килгәнгә шатланган балалар белән аралаштылар. Бәйрәм чарасы шәһәр студентлар советы белән оештырылды.
Казанда ТР Сәламәтлек саклау министрлыгының, ТР Хезмәт, халыкны эш белән тәэмин итү һәм социаль яклау министрлыгының, Мәгариф һәм фән министрлыгының белгечләре өчен, шулай ук Казан медицина университеты һәм Идел буе Физик культура, спорт һәм туризм дәүләт академиясенең укытучылары һәм студентлары өчен семинарлар циклы узды. Семинарда сәламәтлек мөмкинлекләре чикле булган балаларны реабилитацияләү мәсьәләләре турында фикер алыштылар.
2016 елның 29 декабрендә Республика клиник онкология диспансерында Республика «Онколог көне» дигән фәнни-гамәли конференция узачак. Конференциядә медицина оешмаларының җитәкчеләре, беренчел онкологик кабинетларның, беренчел онкологик бүлекләрнең һәм стационарларның онкологик бүлекләре табиблары катнашачаклар.
Бер көн элек кич белән Буа районында ЮТҺ булды. 4 кеше белән микроавтобусның һәм җиңел автомобильнең бәрелешү нәтиҗәсендә 7 кеше зыян күрде, балалар юк. Бер зыян күргән кеше авыр хәлдә һәм ике зыян күргән кеше уртача авыр хәлдә Буа ҮРХнә тапшырылды. Дүрт зыян күргән кеше җиңел дәрәҗәле хәлдә медицина ярдәмен күрсәтүдән соң амбулатор дәвалауга җибәрелде. ЮТҺ урынына Буа ашыгыч ярдәм бригадасы чыкты.