ЯҢАЛЫКЛАР
ТР Сәламәтлек саклау министрлыгы сайтында сораштыру старт алды. Сораштыру 15 кыен булмаган сораудан тора. Аларга җавапны http://minzdrav.tatarstan.ru/rus/nok_anketa.htm ссылка буенча бирергә була.
1 ноябрьдә «Сөләйман Палас» отелендә (Казан, Петербургская ур., 55) инсультны профилактикалау мәктәбе узачак. Регионара клиник-диагностик үзәгенең табиблары инсульт профилактикасы, авыруның риск факторлары һәм симптомнары турында сөйлиячәкләр. Казанлыларны скандинавия йөреше, вестибуляр гимнастика һәм парлы биюләр буенча мастер-класслар көтәләр. Чара ахырында «Инсультка каршы бергәләп» дигән флэш-моб узачак.
Яр Чаллыда бүген Яр Чаллы шәһ. педиатрия хезмәтенең юбилеена багышланган тантаналы чара узды. Ул балалар сырхауханәсенең (элек 1нче номерлы сырхауханә) 45-еллыгына һәм балалар хастаханәсенең (элек 2нче номерлы БШХ) 35-еллыгына багышланды. Автоградның педиатрия хезмәтенең формалашуы нәкъ беренче балалар сырхауханәсе ачылуыннан башланды.
Татарстан медицина оешмаларының баш табиблары Мәскәүдә бүген ачылган Милли медицина палатасының «Россия сәламәтлек саклавы бүген: мәсьәләләр һәм аларны чишү юллары» конгрессында республиканы тәкъдим итәләр. Чара нәтиҗәсе буенча иң якын 5–10 елга сәламәтлек саклау үсешенең стратегиясе эшләп чыгаралачак.
Татарстанда гражданнарның сораулары, шикаятьләре һәм тәкъдимнәре буенча «Халык контроле», ТР Сәламәтлек саклау министрлыгының тәүлек буе эшли торган «кайнар телефоны», шулай ук ТР Сәламәтлек саклау министрлыгы сайтында «Гражданнар мөрәҗәгате» бүлегендә интернет-кабул итү бүлмәсе эшли.
Түбән Камада яшь табибларның һәм үз эшенең осталары булучы белгечләрнең очрашуы узды. Гадәттәгечә, медиклар формаль булмаган шартларда, эш урыныннан читтә җыелдылар. Аралашуның шундый форматы Түбән Кама медиклары өчен гадәти булды – 2015 елдан башлап сәламәтлек саклау оешмаларында Яшь белгечләр советы һәм Остазлар советы оештырылдылар. Алар килеп чыккан мәсьәләләрне хәл итүгә ярдәм итәргә һәм коллегаларның уңышларына шатланырга чакыра.
2017 елның 23 октябреннән башлап 29на кадәр Казанның Ашыгыч медицина ярдәме станциясенә 7883 чакыру керде. Җәмәгать урыннарына 1184 чакыру керде. Чакыруларның иң зур саны – 6163– төрле авыруларга, шул санда 190 инсультка һәм 50 инфаркта туры килде.
Бүген Карим Тинчурин исемендәге казан паркында кан тапшыру буенча «Игелекле йөрәк көне» донор акциясе һәм «Хәрәкәт шатлыкка» дигән терәк-хәрәкәт аппараты авыруларын профилактикалау буенча массакүләм зарядка уздылар.
«Сәламәт елмаюлар» проектының волонтерлары – Казан дәүләт медицина университетының студентлары Казан шәһ. 96нче номерлы гимназиясенә килеп киттеләр. Анда алар укучыларга тешләр төзелеше, тешләр өчен файдалы һәм зарарлы продуктлар һәм авыз куышлыгының дөрес гигиенасы турында сөйләделәр. Һәр бала теш чистарту шәхси календарен алды һәм ай узгач волонтерлар мәктәпкә киләчәкләр һәм «гүзәл елмаюлар» дәресен балалар ничек үзләштергәннәрен тикшерәчәкләр.
30 октябрьдә 15.00 сәг. Яр Чаллыда, онкологик авырулар белән кешеләргә һәм аларның туганнарына булышлык күрсәтүнең «Икенче сулыш» үзәгендә сөт бизенең яман шешен дәвалауның иң яңа технологияләренә багышланган Онкологик авырулар белән пациентлар һәм аларның туганнары өчен мәктәп узачак.