ЯҢАЛЫКЛАР
БРКХ сәламәтлекнең мобиль үзәгенең чыгулар саны ел саен арта. Җәй вакытында мәктәп яны һәм җәйге сәламәтләндерү лагерьларына чыгулар саны үсә. Мобиль үзәк урыннарга чыгып барлык кирәкле таләпләрне үтәү белән һәм хәзерге заман диагностик җиһазларын куллану белән балаларны тикшерергә рөхсәт итә.
Бөтендөнья күкрәк белән ашатуга булышлык атнасы чикләрендә 2017 елның 1 августыннан башлап 10на кадәр республикада «Күкрәк белән ашату – баланың сәламәтлеген формалаштыруга юл» темасына тематик ункөнлек уза. Күкрәк белән ашату – бала тормышының беренче көннәреннән органнарын һәм системаларын формалаштыру һәм камилләштерү өчен кирәкле матдәләр һәм энергия белән тәэмин итүче бердәнбер чыганак. Ана сөте искиткеч итеп баланың ашкайнату һәм матдәләр алмашу үзенчәлекләренә җайлаштырылган.
World Vita балаларга ярдәм итү хәйрия фонды бүген Балалар республика клиник хастаханәсенә ашыгыч ярдәмче кан әйләнеше өчен югары технологияле җиһазны бүләкләделәр. Тапшыруның тантаналы церемониясендә ТР сәламәтлек саклау министры урынбасары Илдар Фатыйхов, ТР Сәламәтлек саклау миистрлыгының балаларга медицина ярдәмен һәм бала тудыруга ярдәм итүче хезмәтне оештыру бүлегенең башлыгы Елена Игнашина катнаштылар.
Бүген Минзәлә үзәк район хастаханәсендә аеруча куркыныч йогышлар барлыкка килү очрагында профилактик һәм эпидемиягә каршы чаралар уздыруга оешманың гамәли әзерлеген эшләп үткәрү буенча укулар узды. Укулар 2 этапта узды.
Яшел Үзән районының үзәк район хастаханәсендә cоциаль мәсьәләләр һәм сәламәтлек саклау буенча Район советының даими комиссиясенең һәм социаль мәсьәләләр, экология һәм табигать белән куллану буенча Яшел Үзән шәһәре Советының даими комиссиясенең күчмә утырышы булды. Анда Яшел Үзән сәламәтлек саклавының мәсьәләләре турында фикер алыштылар.
«Гепатитка – юк» дигән акция КФТТУ (КАИ) «ИКАР» спорт-сәламәтләндерү лагерында узды. ТР ССМ Республика медицина профилактикасы үзәгенең һәм «Студенческая» 4нче номерлы шәһәр сырхауханәсенең табиблары студентларга йоктыру юллары, авыруны профилактикалау һәм дәвалау алымнары турында сөйләделәр.
«Нижнекамскнефтехимның» беренче продукциясен чыгару көненнән юбилейны бәйрәм итүдән бер көн элек шәһәрдә гаять зур спорт вакыйгасы – TATAR.RUN хәрәкәтенең чикләрендә Түбән Кама полумарафоны булды. Чабышларда 6 мең спортчы һәм 5 мең тамаша караучы катнашты.
2017 елның 24 июленнән башлап 30на кадәр Казанның Ашыгыч медицина ярдәме станциясенә 7330 чакыру керде. Җәмәгать урыннарына 1431 чакыру керде. Чакыруларның иң зур саны – 5614– төрле авыруларга, шул санда 201 инсультка һәм 47 инфаркта туры килде.
Бүген ТР Сәламәтлек саклау министрлыгының Республика клиник хастаханәсе кан җибәрү бүлегенең «Игелек тамчысы» донорлар акциясе Казан шәһ. ЮХКДИ хезмәткәрләре катнашулары белән узды. Донорлар регистрацияне, консультацияне һәм сәламәтлек хәленә табибта карап тикшерүне уздылар, анан соң һәр донор өчен бирергә мөмкин булган кан саны (250-450 мл) билгеләнде. Бирүдән соң кан ээшкәртүгә хастаханәнең радиологик лабораториясенә җибәрелде. Казан шәһ. ЮХКДИ хезмәткәрләренең булышлыгында республика хастаханәсе бүлегенең кан банкы 16 литр донор канына тулыланды. Хәзерләп куелган кан компонентлары РКХ һәм башка медицина оешмаларының пациентларын дәвалауга барачак.
3 августта Яр Чаллы шәһәренең Кама балалар медицина үзәгендә ВТБ банкының хәйрия программасының чираттагы «Күз яшеннән башка дөнья» акциясе булачак. Банк КБМҮ Балалар хастаханәсенең анестезиология һәм реанимация бүлеге өчен үпкәләрне ясалма җилләтү аппаратын бүләк итәчәк. «Спокойной ночи, малыши!» программасы – «Күз яшеннән башка дөнья» хәйрия программасының күптәнге партнеры. Шулай ук чарада «КАМАЗ-мастер» спорт командасы вәкилләре катнашачак. Сүз уңаеннан, КМБҮ өчен бу инде икенче акция. Өч ел элек банк шулай ук балалар реанимация бүлегенә ҮЯҖ аппаратын бүләкләде.