ЯҢАЛЫКЛАР
Халыкара коррупция белән көрәшү көне (International Anti-Corruption Day) ел саен Берләшкән Милләтләр Оешмасы инициативасы буенча 9 декабрьдә билгеләнә. Коррупция – катлаулы социаль, сәясәт һәм икътисадый күренеш. Ул бөтен илләргә кагыла. Ул демократик институтларны җимерә, икътисадый үсешне акырынайта һәм дәүләт нигезләр төбен казый. Коррупциянең күп төрләре бар: ришвәтчелек, җәмәгәтчелек белән куллану өчен билгеләнгән товарларны һәм хезмәтләрне законсыз үзләштерү, кумлык ( эшкә алганда гаилә әгъзаларына артык хөрмәт итү), законнар һәм кагыйдәләр эшләп чыгару вакытында шәхси файда алу өчен йогынты күрсәтү.
Бүген Татарстан Республикасы буенча Россельхознадзор идарәсендә ВИЧ профилактикасы буенча акция узды. Аның чикләрендә баш табибның медицина бүлеге буенча урынбасары Фирая Нәгыймова һәм Татарстан Республикасы буенча кулланучылар хокукын һәм кеше иминлеген яклау өлкәсендә күзәтү буенча Федераль хезмәтнең Идарәсе территориясенең санитар саклавы бүлеге башлыгы Луиза Борисова оешманың хезмәткәрләренә Татарстандагы эпидемик шартлар һәм ВИЧ йоктыруын профилактикалау чаралары турында сөйләделәр.
Бүген Әлмәт районында Казан – Оренбург автоюлында ЮТҺ булды. Өч җиңел автомобиль бәрелешү нәтиҗәсендә 7 кеше зыян күрде, аларның берсе ЮТҺ урынында ашыгыч ярдәм килгәнче һәлак булды. 6 зыян күргән кеше уртача авыр хәлдә «Татнефть» ААҖ һәм Әлмәт шәһ. Медсанчастенә тапшырылды. ЮТҺ урынына ашыгыч медицина ярдәменең 2 фельдшер бригадасы чыкты.
Россия неонатологлар җәмгыятенең Хөрмәт грамотасы белән «Иң яхшы коллектив» номинациясендә БРКХ яңа туган балалар һәм җитлекми туган балалар бүлегенең коллективы бүлекләнде. Россия неонатологлар җәмгыятенең Хөрмәт грамотасы белән «Иң яхшы неонаталь шәфкать туташы» номинациясендә 3нче номерлы анестезиология һәм реанимация бүлегенең анестезист шәфкать туташы Фәния Чалилова билгеләнде. Россия неонатологлар җәмгыяте бөтен илдән 2000 артык белгечләрне тәҗрибә белән уртаклашу, диагностика алымнарын унификацияләү, дәвалау һәм профилактикалау, уткәрелгән тыкшынулар нәтиҗәлелеген күзәтү, неонатологик медицина ярдәмен күрсәтү формаларын камилләштерү максатында берләштерә. Шулай ук ТР ССМ Балалар республика клиник хастаханәсе хезмәткәрләренә Ретта синдромы белән авыручыларга булышлык күрсәтү ассоциациясенең рәхмәт хатлары тапшырылдылар. ТР Иҗтимагый палатасы әгъзасы, «Ретта синдромы белән авыручыларга булышлык күрсәтү ассоциациясе» АКБОнең директоры Ольга Тимуца БРКХдә сирәк булган авыруларны дәвалау буенча уздырылган эшнең әһәмиятлелеген билгеләде. Бу елда клиникада Ретта синдромы буенча Бөтендөнья конгрессы вакытында Россия һәм БДБ пациентлары өчен әйдәүче дөнья экспертларының консультацияләре узды.
Балалар республика клиник хастаханәсендә бүген Татарстан Республикасы Медицина оешмаларының җитәкчеләре советының беренче утырышы булды. Медицина оешмалары җитәкчеләренең советы медицина берләшмәсенең һөнәри эшчәнлеге белән бәйле мәсьәләләрне координацияләү һәм чишү өчен Медицина хезмәткәрләренең ассоциациясе карамагында оештырылды.
Бүген «Профи Старт» проектының чикләрендә Казан шәһ.5нче номерлы балалар стоматология сырхауханәсенең баш табибы Илнур Фәйзрәхманов 175нче номерлы Казан мәктәбе укучылары белән очрашты, һәм ирекле аралашу форматында стоматолог һөнәре турында сөйләде, шулай ук дәвалау-профилактика оешмаларының эшен кем һәм ничек тәэмин итү турында сөйләде.
Бүген Республика кан үзәгенең җирлегендә профессор В.М.Белопухов истәлегенә багышлаган республика фәнни-гамәли «Куркыныч хәлдәге авыручыларны дәвалауда системалы караш» дигән конференция узды.
2016 елның 12 декабрендә 12.00 башлап 20.00 сәг. кадәр, Россия Федерациясе Президенты йөкләмәсенә туры китереп Россия Федерациясенең дәүләт хакимияте һәм урынлы үзидарә органнарында Гомумроссия гражданнарны кабул итү көне узачак. Татарстан Республикасы Сәламәтлек саклау министрлыгында кабул итү Казан, Островский ур., 11/6В адресы буенча узачак. Татарстан Республикасы Сәламәтлек саклау министрлыгы компетенциясенә түбәндәге мәсьәләләрне чишү керә: мәҗбури медицина иминиятенең территориаль программасын кертүче гражданнарга медицина ярдәмен түләүсез күрсәтү гарантияләре; Татарстан Республикасы медицина оешмаларында беренчел медицина-санитария ярдәмен, махсуслаштырылган, шул санда югары технологияле медицина ярдәмен, ашыгыч, шул санда ашыгыч махсуслаштырылган, медицина ярдәмен һәм паллиатив медицина ярдәмен Татарстан Республикасы халкына күрсәтү; медицина ярдәмен күрсәтү вакытында дару перпаратлары, дәвалау ашауның махсуслаштырылган продуктлары, медицина эшләнмәләре, дезинфекция, дезинсекция һәм дератизация матдәләре белән тәэмин итү.
Кабул итүгә алдан язылырга (843) 231-79-20, 231-79-87 телефон буенча була.
Россия һәм чит ил белгечләре кардиохирургиянең иң кыен бүлекләренең берсендә хәзерге заман технологияләре турында фикер алышалар – бүген Югары медицина технологияләренең белем бирү үзәгендә «Аорта тамырының реконструктив хирургиясе» дигән фәнни-гамәли симпозиум үзенең эшен башлады.
Инвалидлар ункөнлеге чикләрендә Чирмешән үзәк район хастаханәсе хезмәткәрләре бик картлар һәм инвалидлар өчен Чирмешән Интернат-йортына килеп киттеләр. Анда 61 кеше яший. Интернат-йортының опекага алынган кешеләре үзләренең артериаль кан басымын һәм канда глюкоза биеклеген тикшерә алдылар. Белгечләр акциядә катнашучыларга консультация бирделәр һәм өлкән яшьтә ничек сәламәтлекне саклау хакында сөйләделәр. Сәламәт яшәү рәвеше, рациональ ашау һәм физик активлык буенча мәсьәләләр турында фикер алыштылар.