ЯҢАЛЫКЛАР

Әлмәт муниципаль районының башкарма комитетының җитәкчесе Марат Гыйрфанов медицина хезмәткәрләрен һөнәри бәйрәмнәре белән котлады. РФ һәм ТР Сәламәтлек саклау министрлыгының мактау грамоталары, «ТР сәламәтлек саклавының мактаулы хезмәткәре» дигән тармак билгесе белән бүләкләү тантанасын ТР ССМның ӘМР буенча сәламәтлек саклау идарәсенең җитәкчесе Вера Головина үткәрде. «Авыручылар белән аларның проблемаларын уртаклашу бик катлаулы, һәм моның өчен сезгә чын күңелдән зур рәхмәт. Бәйрәмнәрдә генә түгел, гадәти көннәрдә дә «Рәхмәт, доктор» сүзләрен ишетү – бик кыйммәтле», – дип белдерде ул хезмәттәшләренә рәхмәт сүзләрен. Шунысын билгеләп үтәргә кирәк, Әлмәтнең медицина хезмәткәрләре сәламәт яшәү рәвешен һәм актив озын гомерне пропагандалау максаты белән төрле спорт ярышларында актив катнашалар. Бүгенге көндә Әлмәт муниципаль районының медицина учреждениеләрендә 589 табиб һәм 2 109 шәфкать туташы хезмәт куя.

Игътибар! «Сәламәтлек саклауны оештыру һәм иҗтимагый сәламәтлек» белгечлеге буенча аттестация үткәрүнең урыны үзгәрде.

2018 елның 19 июненнән башлап «Сәламәтлек саклауны оештыру һәм иҗтимагый сәламәтлек» белгечлеге буенча аттестация «Республика медицина мәгълүмати-аналитик үзәге» ДАССУдә түбәндәге адрес буенча узачак: Казан шәһ., Гадел Кутуй ур., 88 йорт.

Аттестация өчен документларны кабул итү Татарстан Республикасы Сәламәтлек саклау министрлыгының кабул итү сәгатьләрендә түбәндәге адрес буенча алып барыла: Казан шәһ., Островский ур., 11/6, каб.104.

Аттестация турында тулырак мәгълүмат minzdrav.tatarstan.ru Татарстан Республикасы Сәламәтлек саклау министрлыгының сайтында «Медицина белемен бирү һәм аттестацияләү бүлегенең мәгълүматы» бүлегендә урнаштырылган.

2нче номерлы Балалар шәһәр хастаханәсендә «Тормышка куркыныч янаган халәтләрнең: яңа туган балаларның персистистенцияләнүче үпкә гипертензиясенең һәм пульсоксиметрия алымы белән критик тумыштан йөрәк загыйфлегенең – неонаталь скринингы» проектын Татарстан Республикасында гамәлгә ашыруга багышланган гамәли семинар узды. Табибларны-педиатрларны һәм неонатологларны укытуны Казан дәүләт медицина академиясенең сырхауханәләр педиатриясе курсы белән педиатрия кафедрасы тарафыннан үткәрелә торган «Неонатологиянең көнүзәк мәсьәләләре» дигән йөреп-читтән торып уку циклы кысаларында уздырдылар. Докладлар белән Казан шәһәре медицина учреждениеләренең белгечләре чыгыш ясадылар, семинар ахырында пульсоксиметриянең неонаталь скринингын гамәли куллану буенча мастер-класс узды.

Яр Чаллыда Медицина хезмәткәрләре көне алдыннан сәламәтлек саклау тармагының ветераннарын зурладылар. Шәһәр һәм республика җитәкчелегенең Мактау грамоталары белән 5нче номерлы Шәһәр хастаханәсенең хезмәткәрләре билгеләнде: кардиология бүлегенең мөдире Венера Гыйльфанова һәм табиб анестезиолог-реаниматолог Галина Соловьева. Моннан тыш, «Иң яхшы табиб – 2018» шәһәр һөнәри осталык конкурсының лауреаты дипломы белән 1нче номерлы неврология бүлегенең мөдире Наталья Веретенникова бүләкләнде.

Атна эчендә Казанның ашыгыч ярдәме хезмәтенең табиблары 7200 тапкыр кешеләрне коткарырга чыктылар, шул санда җәмәгать урыннарына – 1445 чакыру. Бәхетсезлек очракларына ашыгыч ярдәм медиклары 1021 тапкыр чыктылар, шул санда юл-транспорт һәлакәте урыннарына – 40 тапкыр. Шул ЮТҺдә 43 кеше зыян күрде, 1 кеше вафат булды, 25 кеше дәвалау оешмаларына китерелде. Янгыннарга табиблар 17 тапкыр чыктылар. Бала табуларга Казанның Ашыгыч медицина ярдәме станциясеннән табиблар 86 тапкыр чыктылар. Төрле авырулар буенча 5639 чакыру башкарылды, шул санда көчле миокард инфарктларына – 52  һәм баш мие кан әйләнешенең көчле бозылуларына – 188 чакыру туры килде.

ХӨРМӘТЛЕ КОЛЛЕГАЛАР!

Һөнәри бәйрәмегез – Медицина хезмәткәрләре көне белән ихлас күңелдән тәбрик итәм!

Сезнең осталыгыгыз һәм тәҗрибәгез, сезнең кешелеклелегез, риясызлыгыгыз һәм фидакарьлелегез җәмгыятьтә медик һөнәрен иң хөрмәтлеләрнең берсе иттеләр. Вакыт, технологияләр һәм тормыш кыйммәтләре үзгәрәләр, үзгәрешсез кала бер нәрсә – табибларның һәм шәфкать туташларының кайгыртучан куллары һәм игелекле йөрәкләре. Бу – медикларда буыннан буынга күчә торган нигезләрнең нигезе.

Бүген безнең төп бурычыбызның үтәлүе – һәр кешегә медицина ярдәмен күрсәтү мөмкинлегенең һәм сыйфатының тәэмин ителүе, беренче чиратта, нәкъ менә сезгә бәйле.

Кайда гына сез эшләсәгез дә: салада яки шәһәр хастаханәсендә, ашыгыч ярдәм бригадасының составында яки югары технологияләр үзәгендә, сезнең һәрберегездән кешеләрнең сәламәтлекләре һәм гомерләре тора. Исегездә тотыгыз, бер генә, хәтта иң заманча аппарат та пациентка сизгер һәм игътибарлы мөнәсәбәтне алмаштыра алмый.

Сезгә үзегезнең һөнәрегез өчен оптимистлыкны һәм горурлыкны саклап калырга чын күңелдән телим! Энтузиазм, кешеләрне ярату һәм иҗади инициатива сездә бетмәсен! Хезмәттә уңышларыгыз һәм рәхмәтле пациентлар сезне куандырсыннар!

Татарстан Республикасының

сәламәтлек саклау министры

Марат САДЫКОВ

Бүген Республика кан үзәгендә Бөтендөнья кан донорлары көненә багышланган донор акциясе узды. Акциянең оештыручылары булып «Игелекле Казан» иҗтимагый оешмасы белән берлектә Татарстан Республикасының Сәламәтлек саклау министрлыгы тора. Үзләренең ярдәм итәргә теләкләрен 200 шәһәр кешесе белдерде, алар арасыннан 149 кеше донор булды. Нәтиҗәдә кан банкы 76,437 литрга тулыланды. Коткару канында мохтаҗ кешеләргә ярдәм итү теләге белән акциягә шатланып кушылулары турында акциянең күп кенә катнашучылары билгеләп үттеләр.

Апас ҮРХ җирлегендә Идел буе регионында онкологик ярдәмен күрсәтүне камилләштерүгә һәм онкологик авырулардан үлүчеләр санын киметүгә багышланган районара семинар-киңәшмә узды. Киңәшмәгә үзәк район хастаханәләренең баш табиблары һәм урынбасарлары, шулай ук беренчел онкология кабинетларының табиблары чакырылган иделәр. Катнашучылар алдында докладлар белән Идел буе регионының баш онкологы, Казан дәүләт медицина академиясенең ректоры Рөстәм Хәсәнов, Республика клиник онкология диспансерының баш табибы Илгиз Һидиятов һәм оештыру-методик эш буенча баш табиб урынбасары Светлана Габитова чыгыш ясадылар. Шулай ук семинар кысаларында диспансеризациянең йомгаклары һәм аны үткәргәндә табиблар эшенең күчмә формасы турында фикер алыштылар.

Ел саен 14 июньдә дөньяның төрле илләрендә Бөтендөнья кан донорлары көне билгеләп үтелә. Бу көн кешеләрнең гомерләрен коткару өчен кирәкле булган үзләренең каннарын ирекле рәвештә һәм бушлай тапшырган кешеләргә багышланган. Акция канда мохтаҗ пациентлар өчен канның һәм кан продуктларының сыйфатын, куркынычсызлыгын һәм булуын тәэмин итү өчен даими кан донорлыгының кирәклеге турында хәбәрдар булуны арттыруга чакырылган. 2018 елда Бөтендөнья кан донорлары көненең лозунгы – «Башкалар турында уйла. Канны тапшыр. Тормыш белән уртаклаш».

Татарстанда кан дефициты булмый. Бу хакта «Татар-информ» МАда матбугат конференциясендә ТР  Сәламәтлек саклау министрлыгының Республика кан үзәгенең баш табибы Рамил Тураев сөйләде.