ЯҢАЛЫКЛАР
30 августта Зәй үзәк район хастаханәнең сырхауханәсен һәм диагностика үзәген капиталь ремонттан соң ачтылар. 1 455 кв. м мәйданлы сырхауханә сменага 366 кешегә исәпләнгән. 51 хезмәткәргә Диагностика үзәге 1 795 кв. м. мәйданлы лаборатория белән җиһазланырылган. «Сәламәтлек саклау учреждениеләрен модернизацияләү» республика программасын гамәлгә ашыру чикләрендә учреждение биналарында зур эш эшләнде: эчке бүлмәләр тулысынча танымаслык булып үзгәрде, фасад үзгәрде, тышкы территориясе төзекләндерелде.
Уважаемые татарстанцы! Кадерле татарстанлылар!
Чын күңелдән сезне Татарстан Республикасы Көне белән котлыйм!
Шәһәр һәм Республика көне кысаларында «Казан» Гәилә үзәге алдындагы мәйданда «Җиңү өчен тест. Test to Win» акциясе булачак. Ул яшьләр арасында сәламәт яшәү рәвешен һәм ВИЧ профилактикасын популярлаштыруга юнәлдерелгән. ТР Сәламәтлек саклау министрлыгы «Яңа гасыр» автономияле коммерцияле булмаган хәйрия оешмасы белән бергәләп проектны оештыручы булды.
Казан шәһ. «Азино» балалар сырхауханәсе биш еллыкны билгеләп үтте. Сырхауханә – Балалар республика клиник хастаханәсенең структур бүлекчәсе һәм ул консультатив-диагностик үзәгенең хәзерге заман принцибы буенча эшли. Учреждение составына керәләр: педиатрия блогы, тар белгечләр блогы, Амбулатор травматология һәм ортопедия үзәге, Фтизиатрия скринингы үзәге, «Доверие-Ышаныч» Медик-социаль ярдәм үзәге. Сырхауханә заманча медицина һәм реабилитация җайланмалары белән җиһазландырылган, дәвалау-диагностика процессы тулысынча мәгълүматлаштырылган, хезмәткәрләрнең эш урыннары IT-технологияләренең инновацион алымнары нигезендә автоматлаштырылган.
Саба үзәк район хастаханәсендә хирургия бүлеге палатасында шартлы янгын белән янгынга каршы күнегү уздырдылар. Хәзерге заман дәрәҗәсендә хезмәткәрләрнең һөнәри һәм психофизиологик әзерлекне саклау – шундый укуларның максаты. Күнегү барышында хастаханә һәм ГТХМ (Гадәттән тыш хәлләр министрлыгы) хезмәткәрләре эвакуация буенча уңышлы эшләрне тормышка ашырылу, янгын үсешен кисәтү һәм аны бетерү өчен кирәкле күнекмәләр эшләп җиткерделәр. Күнегү тәмамланганнан соң учреждениедә ачык ут вакытында сүндергечне куллану техникасы буенча практик уку үткәрделәр.
Бөгелмәдә районара бала тудыру йортына пресс-тур узды, анда җирле ММЧ вәкилләре катнаштылар. Чара кысаларында журналистлар медицина учреждениесенең барлык бүлекләрендә булдылар һәм булачак әниләр һәм бала табу йорты табиблары белән очраштылар.
28 августта 14:00 сәгатьтә Республика клиник онкология диспансерының Әлмәт филиалында стома куелган пациентлар һәм аларның якыннары өчен Сәламәтлек мәктәбе узачак. Очрашу «Яман шешне җиңәчәкбез» дигән ТР региональ иҗтимагый оешма белән берлектә оештырылачак. Катнашучылар эчәк стомаларының өзлегүенә, оператив рәвештә дәвалауга күрсәтмәләргә һәм зарарлыкны күрсәтүче билгеләргә һәм ССФ тернәкләндерү чаралары белән тәэмин итү мәсьәләләренә багышланган сораулар турында фикер алышачаклар.
Арча үзәк район хастаханәсенең хезмәткәрләре гриппка каршы вакцинация үткәрү сезонына хәзерләнә башладылар. Гражданнар арасында аңлату эшен үткәрү өчен гомуми практика табиблары һәм участок табиблары-терапевтлар Арча районы предприятиеләренә һәм оешмаларына баралар. Медицина хезмәткәрләре иммунизация һәм вакцинация йогышлы һәм вируслы авыруларның массакүләм киңәюен булдырмау ысулларының иң нәтиҗәлесе булуын аңлаталар.
Балалар республика клиник хастаханәсендә балалары дәваланучы гаиләләр яши торган Роналд Макдоналд Йорты гаилә кунакханәсендә бишьеллык юбилей хөрмәтенә зур бәйрәм узды. Татарстан Республикасының премьер-министры урынбасары – мәгариф һәм фән министры Рафис Борһанов, Татарстан Республикасы Дәүләт Советы Рәисе урынбасары, «Мәрхәмәт – Милосердие» дигән хатын-кызлар-депутатларның берләшмәсе җитәкчесе Татьяна Ларионова, «Спорт һәм социаль проектлар дирекциясе» АКБО генераль директоры Азат Кадыйров, БРКХ баш табибы Айрат Зыятдинов һәм БРКХ Ветераннар Советы Рәисе Дамир Галиев, сәламләү сүзләре белән һәм уңышлар теләп, кунаклар алдында чыгыш ясадылар. Бәйрәм кунаклары һәм Гаилә йортында яшәүчеләр күңел ачу программаларының катнашучылары булдылар һәм танылган шеф-пешекчеләр җитәкчелеге карамагында бәйрәм ризыклары хәзерләделәр.
Мәскәүдә Идел Буе Федераль Округы педиатрларының һәм неонатологларының түгәрәк өстәле узды. Татарстан Республикасыннан белгечләр Делегациясен БРКХ медицина эшчәнлеге буенча баш табиб урынбасары Басанова Лилия җитәкләде. Очрашу «Балачакның унъеллыгы 2017-2028» законопроектын гамәлгә ашыру кысаларында махсуслаштырылган балалар ризыгын җитештерү индустриясен үстерүгә багышланган иде.