ТР атказанган табибы, пульмонолог Эльвира Кудрявцева сулыш органнары авыруларын профилактикалау турында сөйләде
17 май - пульмонолог көне. Сулыш органнары авыруларын профилактикалау турында табиб-пульмонолог, Татарстанның атказанган табибы, м.ф. к., Казанның 16 нчы номерлы ШКХ Пульмонология бүлеге мөдире Эльвира Зөфәр кызы Кудрявцева сөйләде.
- Үпкәләрнең хроник авырулары - дөньяда үлем очракларының төп сәбәпләренең берсе. Тәмәке тарту - сулыш юллары сәламәтлегенең иң куркыныч дошманы. Сулыш органнары патологиясенә карата төп профилактик чара - бу начар гадәттән баш тарту. Өстәвенә, тәмәке тартылучы тәмәкеләрнең санын киметү түгел, ә нәкъ менә тулы баш тарту мөһим.
Үпкә авыруларының таралганнарның берсе - пневмония. Үлем белән тәмамланган очракларның ешлыгы буенча пневмония барлык йогышлы авырулар арасында беренче урында тора.
Пневмонияне профилактикалау:
1. Сәламәт яшәү рәвеше. Сәламәт яшәү рәвеше ул:
- физик активлык;
- рациональ хезмәт һәм ял режимы;
- рациональ һәм балансланган туклану;
- начар гадәтләрдән баш тарту.
2. Чыныгу.
3. Сулыш гимнастикасы. Ялкынсынуны кисәтү өчен һава шарларын кабыртырга, яки даими рәвештә тирән сулыш алу - сулыш чыгару хәрәкәтләрен башкарырга кирәк.
4. Инфекциянең хроник учакларын дәвалау.
5. Салкын тиюләрдән һәм башка стресс факторлардан сакланыгыз. Әйтик, үпкә тукымасы өчен тузан, бензол парларын яки башка көчле химик кушылмаларны сулау бик зарарлы.
6. Гриппка каршы еллык вакцинация ясатыгыз.