Тәмәке тартуны профилактикалау. Аеруча куркыныч инфекцияләр. Бу хакта сүз Республика медпрофилактика үзәгендә семинарда барды
Республика иҗтимагый сәламәтлек һәм медицина профилактикасы үзәгендә профилактик эшне оештыру өчен җаваплы медицина хезмәткәрләре өчен методик семинар булды. 31 май Бөтендөнья тәмәкесез көненә туры китерелгән семинар программасы «Аеруча куркыныч инфекцияләр» һәм «Тәмәке төтене безнең сәламәтлегебезне җимерә» темаларына багышланган иде. Семинарда ТР Сәламәтлек саклау министрлыгының баш штаттан тыш инфекционисты Халит Хәертынов һәм ТР Сәламәтлек саклау министрлыгының баш штаттан тыш балалар психиатр-наркологы Степан Криницкий чыгыш ясады.
Халит Хәертынов катнашучыларга Себер үләте, чума һәм аның формалары, оспа, геморрагик бизгәкләр һәм холера кебек аеруча куркыныч йогышлар турында җентекләп сөйләде. Табиб билгеләп үткәнчә, бүгенге көндә, авыру очраклары арту сәбәпле, маймыл чәчәге дә актуаль булып тора.
«Тикшеренүләр мәгълүматлары буенча, балачакта чәчәк авыруына каршы ясалган вакцина шушы маймыл вирусыннан саклый», - дип искәртте ул.
Лектор башка аеруча куркыныч инфекцияләр турында да җентекләп сөйләде.
Тәмәке төтененең зыяны, тәмәке тартуга бәйле рәвештә һәм бәйлелек синдромнары турында балалар наркологы Степан Криницкий сөйләде.
«Яхшы табиб сүз белән дәвалый, бу пациент белән ышанычлы әңгәмә барышында ирешелә», - дип искәртте табиб.
Чарада табиблар сорауларга җавап бирде.