Безнең табиб - безнең горурлыгыбыз!
Татарстан Республикасының атказанган табибы, Түбән Кама үзәк район күппрофильле хастаханәсенең онкология бүлеге мөдире Марат Имил улы Хәйруллин үзенең 50 яшьлек юбилеен билгеләп үтә.
Югары квалификацияле табиб-онкологның эш стажы - 27 ел. 2001 елдан Марат Имил улы онкология бүлеге мөдире.
Марат Хәйруллин Яр Чаллының АМЯХдә баш хирург булган әтисе юлыннан китте. Табибның бабасы ветеринар булса да, аның алты баласы, шул исәптән Марат Имиловичның әтисе дә, табиблар була. Шуңа күрә аның һөнәр сайлауда шик булмады. Хәзер табиб һөнәренә Марат Имил улының кызы да өйрәнә.
Марат Имилович онколог булып китүе очраклы икәнен сөйләде. Табиб ординатурага хирургия буенча укырга керергә китә, әмма соңгы мизгелдә әтисе онкология буенча специализация узарга киңәш итә.
2000 елда Марат Имил улы Түбән Камага килә. Ул һәм аның хезмәттәшләре бүлекне күтәрә, үстерә. Хәзер Түбән Кама онкологлары командасының уңышлы эш нәтиҗәләре турында бөтен республикада һәм хәтта аннан читтә дә беләләр.