Россия Дәүләт Думасы депутатлары «Таттехмедфарм» эше белән танышты
1июньдә РФ Дәүләт Думасы депутаты Айрат Фәррахов һәм РФ Дәүләт Думасы депутаты, Дәүләт Думасының икътисади сәясәт комитеты рәисе Максим Топилин «Таттехмедфарм»га эш визиты белән килде. Алар республиканың халыкны фармацевтик хезмәтләрнең тулы спектры белән тәэмин итүче уникаль фармацевтика оешмасы буларак предприятиенең эше белән танышты.
Айрат Фәррахов әйтүенчә, алар "Таттехмедфарм"да препаратларның җитәрлек булуына тагын бер кат инандылар. Складларда ел ахырына кадәр дару запасы бар. Җитештерүчеләр өчен киләсе елга дарулар белән тәэмин итү буенча конкурслар башланган инде.
Фаррахов мондый даруханә идарәсенең төп максаты, бернинди вәзгыятькә дә карамастан, дару чаралары запасын һәрвакыт булуны тәэмин итү, дип билгеләп үтте.
«Татарстанда система шулай төзелгән ки, барлык сатып алулар да алдан ук башкарыла. Без бу системаны керткән закон проектын саклап калырга тәкъдим итәбез. Ул барысын да алдан эшләргә мөмкинлек бирә», - дип билгеләп үтте РФ Дәүләт Думасы депутаты, Дәүләт Думасының икътисади сәясәт комитеты рәисе Максим Топилин.
Максим Топилин шулай ук бернинди логистик өзеклекләр булмавын, барысы да запас белән китерелгәнен әйтеп узды.
Депутатлар бер генә чит ил компаниясе дә Россиягә дару препаратларын җибәрүдән баш тартмады, дип искәртте. Китерү тоткарлыксыз бара.