Мамадыш районының Түбән Сөн авылында модульле ФАПның эчке бизәкләү эшләренә керештеләр
«Сәламәтлек саклау» милли проектына кертелгән сәламәтлек саклауның беренчел звеносын модернизацияләү программасы кысаларында Мамадыш районының Түбән Сөн авылында ФАП төзелеше бара.
Хәзерге вакытта бинаны урнаштыру, монтажлау тәмамланган, пандуслар әзерләнгән. Хәзерге вакытта бинаның эчке бизәкләү эшләре бара, инженерлык челтәрләре, электр урнаштыру эшләре бара.
Түбән Сөн фельдшер-акушерлык пункты ике торак пунктка хезмәт күрсәтә: Түбән Сөн һәм Рәхмәтулла Аланы.
ФАП мөдире - фельдшер Гайфетдинова Венера Шәфигулла кызы. Беркетелгән халык саны - 356 кеше.
Сәламәтлек саклауның беренчел звеносын модернизацияләү буенча эш РФ Президенты Владимир Путин кушуы буенча алып барыла. 2021 елда әлеге программа буенча Татарстанда 7 фельдшер-акушерлык пункты төзелде. Быел 29 булачак.