14 июнь - Бөтендөнья кан доноры көне

2022 елның 14 июне, сишәмбе

Бүген, Бөтендөнья кан доноры көнендә, 1 Май мәйданында «Казан йөрәге» дигән донор акциясендә катнашырга мөмкин. Мобиль комплексларда кан тапшырырга мөмкин булачак. Барлык донорларны да чараны оештыручылардан күңелле сувенирлар көтә.

Татарстан Республикасында ел саен донорлар саны 32 меңнән артык кеше тәшкил итә (2021 ел – 32 605 кеше). Донорларның гомуми саныннан – 74,7% даими донорлар. Ел саен республикада 50 тоннадан артык кан әзерләнә, ул компонентларга эшкәртелә. Кан компонентлары 30 меңнән артык пациентка медицина ярдәме күрсәтү процессында кулланыла.