Мамадыш район үзәк хастаханәдә компьютер томографы булачак

2022 елның 14 июне, сишәмбе

«Мамадыш район үзәк хастаханәсе» ДАССУда компьютер томографиясе өчен кабинет әзерлиләр. Җиһазларны бу елдан «Сәламәтлек саклау»милли проектына кертелгән сәламәтлек саклауның беренчел звеносын модернизацияләү программасы акчаларына сатып алачаклар.

Ил Президенты инициативасы белән оештырылган «сәламәтлек саклауның беренчел звеносын модернизацияләү» программасын гамәлгә ашыру нәтиҗәсендә быел (федераль бюджеттан финанслау белән) Татарстан Республикасында 1256 берәмлектән артык медицина җиһазлары сатып алыначак.