Кәләйдә Әлмәт РҮХ табиблары өчен яңа йорт тапшырдылар

2022 елның 20 июне, дүшәмбе

Бүген Кәләй станциясендә Әлмәт РҮХ табиблары өчен яңа 8 фатирлы торак йорт ачтылар.

Фатир ачкычларын алдылар:

–йогышлы авырулар бүлегенең табиб-педиатры Илнара Арсланбаева. Ул безгә Башкортстаннан эшләргә килде;

–рентген бүлегенең табиб-рентгенологы Камилә Ширяева, безгә Томск өлкәсеннән килде.

«Татнефть» компаниясенең финанс ярдәме белән бинаны реконструкцияләү, ә Әлмәт муниципаль районы Башкарма комитеты ярдәме белән эчке инженерлык челтәрләрен ремонтлау эшләре башкарылды.

Бәхетле өй туйлары белән котлыйбыз!​