Казанда «Казан – Арча – Казан» электричкасы пассажирлары өчен «Сәламәтлек электричкасы» акциясе узды

2022 елның 27 июне, дүшәмбе

Республика җәмәгать сәламәтлеге һәм медицина профилактикасы үзәге «Содружество» АҖ шәһәр яны пассажир компаниясе белән берлектә «Казан – Арча – Казан» электричкасы пассажирлары өчен «Сәламәтлек электричкасы» профилактик акциясен оештырдылар һәм үткәрделәр. Чараны үткәрүдә Казан ДМУның «Мәгълүмати гигиена» проекты волонтерлары катнаштылар.

28 июньдә «Казан – Свияжск» электропоездында быел икенче «Сәламәтлек электричкасы» узачак. «Казан-1» үзәк вокзалыннан кузгалу 10:27 сәгатьтә.