«Сәламәтлек» Татарстан сәламәтлек саклау хезмәткәрләренең Спартакиадасы турында барысы
Спартакиада тарихы. Бүген Казанда «Сәламәтлек-2022» Татарстан Республикасы медицина хезмәткәрләренең Спартакиадасы уза.
Беренче тапкыр медицина хезмәткәрләренең Спартакиадасы 2000 елның июнендә, ул вакытта Татарстан Республикасы Сәламәтлек саклау министры булып эшләгән Камил Шагарович Зыятдинов инициативасы белән булды. Әлеге массакүләм чараның төп максаты булып сәламәт яшәү рәвешен пропагандалау, сәламәтлек саклау хезмәткәрләрен физкультура һәм спорт белән шөгыльләнүгә җәлеп итү, аларның хәрәкәт активлыгын һәм спорт мавыгуларын бүләкләү торды.
Шул вакыттан бирле Спартакиаданы үткәрү күркәм традициягә әверелде, көтеп алынган ел саен үткәрелә торган вакыйга һәм Татарстан медикларының корпоратив культурасының бер өлеше булды. Ярышларның ешлыгы бик сирәк бозылды. Соңгы мәҗбүри тәнәфес коронавирус пандемиясе белән бәйле була. Быел ярышлар яңадан торгызыла.
Быелгы спартакиада программасына волейбол, өстәл теннисы, шахмат, аркан тарту, бадминтон, швед эстафетасы һәм йөзү буенча ярышлар кертелгән.
Ярышлар өч этапта уза:
1нче этап – хезмәт коллективларында;
2нче этап – район, шәһәр һәм республика медицина оешмаларында зона ярышлары, аларда ел саен 200 дән артык кеше катнаша;
3нче этап – шәһәр һәм авыл командалары арасында финал ярышлары, алар Казан шәһәрендә 14 команда – 8 шәһәр (376 катнашучы) һәм 6 авыл (282 катнашучы) командалары катнашында үткәрелә. Шулай итеп, финалистларның гомуми саны 658 кеше тәшкил итә.
Спартакиада ярышлары һәм башка чаралар төрле мәйданчыкларда үткәрелә:
- Бадминтон үзәгендә – шәһәр һәм авыл командалары ир-атлары һәм хатын-кызлары арасында бадминтон буенча ярышлар.
- "Олимпиец" спорткомплексында ике мәйданчыкта волейбол буенча ярышлар (ирләр һәм хатын-кызлар командалары арасында); авыл һәм шәһәр командалары арасында өстәл теннисы буенча ярышлар; шәһәр һәм авыл командалары арасында шахмат ярышлары; шәһәр һәм авыл командалары арасында йөзү буенча ярышлар;
- Казан автотранспорт техникумында шәһәр командалары арасында волейбол буенча ярышлар узды;
- Казан медицина көллиятендә шәһәр командаларының ир-атлары арасында волейбол буенча ярышлар узды;
- Казан шәһәренең үзәк стадионында спартакиада финалын тантаналы ачу, шәһәр һәм авыл командалары ир-атлары һәм хатын-кызлары арасында аркан тарту һәм швед эстафетасы ярышлары; спорт төрләре буенча шәхси һәм команда беренчелегендә җиңүчеләрне һәм призерларны бүләкләү; гомумкоманда беренчелегендә бүләкләү һәм «Сәламәтлек» Татарстан Республикасы медицина хезмәткәрләренең Спартакиадасын тантаналы ябу.
2019 елда узган Спартакиаданың финал ярышлары нәтиҗәләре буенча гомумкоманда урыннары түбәндәгечә бүленде:
шәһәр командалары арасында:
1нче урын – Республика балалар клиник хастаханәсе;
2нче урын – РКХ;
3нче урын – Яр Чаллы шәһәренең Сәламәтлек саклау идарәсе;
авыл командалары арасында:
1нче урын – Мамадыш районы үзәк хастаханәсе;
2нче урын – Буа районы үзәк хастаханәсе;
3нче урын – Кукмара районы үзәк хастаханәсе.
Программаның аерым төрләре буенча спартакиада җиңүчеләре һәм призерлары кубоклар, дипломнар һәм медальләр белән бүләкләнде. Программаның барлык төрләре буенча гомуми зачетта 1, 2 һәм 3 урыннарны алган командалар дипломнар, кубоклар һәм акчалата сертификатлар белән бүләкләнде.
Татарстан Республикасы сәламәтлек саклау хезмәткәрләре Спартакиадасының йомгаклау этабы һәр катнашучы өчен генә түгел, җанатарлар өчен дә истә калырлык вакыйга булды.
Ярышларның бүгенге көненнән фоторепортажны ссылке сылтама буенча карарга