Эссе көннәрне җиңелрәк кичерергә һәм сәламәтлек торышы начарланудан котылырга ярдәм итәчәк профилактика чаралары

Эссе һава торышында бигрәк тә йөрәк-кан тамырлары системасының хроник авырулары булган затлар, өлкәннәр һәм балалар зыян күрә. Артериаль кан басымы югары, баш мие кан әйләнешенең кискен бозылуы, миокард инфаркты булган авырулар саны арта.

Җылылык сугу вакытында куркыныч халәтнең беренче билгеләре - баш авырту, баш әйләнү, күңел болгану,  йөрәк тибеше ешая, салкын тир һәм аңны югалту.

Эссе көннәрдә кояшта озак торырга киңәш ителми, бигрәк тә баш киемсез. Табигый тукымалардан җиңел, якты кием кию зарур.
Су режимын сакларга – тәүлеккә 2,5 литр эчәргә кирәк. Әмма йөрәк-кан тамырлары системасы авырулары булганда, йөрәккә йөкләнеш артмасын өчен, табиб белән киңәшләшергә кирәк.

Тәүлеклек рационында майлы һәм аксымлы азыкны чикләргә кирәк. Күбрәк яшелчә һәм җиләк-җимеш кулланыгыз.

Хроник авырулар булган өлкән яшьтәге кешеләргә һәм табибларга табиб рекомендацияләрен төгәл үтәргә, дәвалаучы табиб тәкъдим иткән дозаларда медикаментларны кабул итәргә кирәк.

Кояш яки эссе сугуның теләсә нинди билгеләре булганда, тиз арада табиб чакыртыгыз! Тынчу транспортта яки хәтта урам уртасында аңын югалткан кешегә вакытында һәм дөрес итеп ярдәм күрсәтү бик мөһим. Моның өчен кешене күләгәгәгә, һавалы урынга күчерергә кирәк, һәм табиб килгәнче аның яткан хәлдә булуы мәслихәт.